Gyɔɔn

6 Beŋ ka Gyekɔb bulee be na. A sokyɛŋ na baŋ da kyɛŋ na zuŋ, Yezu da balɛɛŋ, azuŋ o da zeŋ peɛlɛɛ a bulee. Aware ayoɔbo poɔŋ da la. 7 Samareya pɔge kaŋa da wa la be ka o ɔŋ koɔ̃. Ka Yezu yelkoo ka: Ko ma a koɔ̃ mine ka N nyu.” 8 (Bonso o potuuribo na da gaa la a teŋkpɛŋ poɔ ka ba te da bondirii.) 9 Ka a Samareya pɔge na yelkoo ka: “Bonso ka hooŋ naŋ waa Gyuu neɛ sɔrɔ maaŋ naŋ waa Samareya pɔge ka N ko bo koɔ̃ ka ho nyu?” (Bonso Gyuu noba ane Samareya noba da ba laŋna yelzaa.) 10 Ka Yezu deɛ yelko a pɔge ka: “Ka hooŋ da baŋ a Naaŋmen kyɔɔtaa naŋ e zaala na yɛlɛ ane neɛ na naŋ yele korɔ bo ka, ‘Ko ma koɔ̃ ka N nyu,’ ho da na sɔrooŋ ka o ko bo koɔ̃ naŋ terɛ nyɔvore.” 11 Ka a pɔge da yelkoo: “Daana, ho ba taa bon a na ɔŋ neŋ a koɔ̃, kyɛ ka a bulee meŋ waa zuluŋ; yeŋ pãã hoŋ na nyɛ a nyɔvore koɔ̃? 23 Kyɛ, wagre kaŋa waanaŋ, a wagre la pampana, ka a yelmeŋɛ puorebiiri na puoro a Saa vooroŋ ane yelmeŋɛ poɔŋ, yelmeŋɛ zaa, a Saa boɔrɛɛ a noba ŋa taa ka ba puoruu. 34 Ka Yezu yelko ba: “N bondirii la ka N erɛ neɛ naŋ toŋ ma na boɔbo a kyɛ toŋ toma na oŋ ko ma na baare.