Luka

19 O da gaaɛ Gyɛreko, a da kyɛnɛ a teŋɛ poɔ. 2 Dɔɔ kaŋa baŋ da boɔlɔ Zakiyo da bebeŋ; o da eɛ a zuyɔɔ-derebɛ neŋkpoŋ kaŋa, o da eɛ bondaana. 3 O da mɔɔrɛɛ o mɔɔbo zaa ka o nyɛ Yezu, kyɛ a nembeɛoŋ zuŋ o da ba nyɛroo, bonso o da eɛ ŋmaa. 4 Azuŋ o da de la weɛ a zo gaa nimitɔɔre a te nyɔge Sikamɔɔ teɛ kaŋa do ka lɛ na vɛŋ ka o nyɛ Yezu, bonso Yezu da tu la ana sori na gɛrɛ. 5 Saŋa na Yezu naŋ wa ta be na, o da kaa la sazu a yelkoo ka: “Zakiyo, lonni wieoŋ a sigi, bonso zenɛ ŋa ho die maŋ na gaŋ.” 6 Beŋ la oŋ da lonni sigi, a de popeɛloŋ de o gaaneŋ o die aŋa saana. 7 Saŋa na noba naŋ da wa nyɛ a yɛlɛ ŋa na, ba zaa da ŋmoonɔŋ a yele ka: “Dɔɔ naŋ e toŋfatonɔ die la ka o gaa aŋa saana.” 43 Bonso bebie waanaŋ ka ho dɔndɔnne na de daare naŋ e punli a ŋmaa gyeere bo, ba na ŋmaa gyili boŋ, a feere bo lomboe zaaŋ. 44 Ba na daa yɛŋ ane yɛ biiri naŋ be yɛ poɔŋ a lɔɔ teŋɛŋ, ba koŋ vɛŋ ka kuurii dɔgle o tɔ zuŋ ho poɔŋ, bonso ho ba teɛre yɛlɛ gaa tɔɔre a na baŋ saŋa na baŋ wa ka ba peɛre ho yɛlɛ na.”