Marko

19 O da ba tere sori oŋ e lɛ, kyɛ o da yelko oŋ ka: “Gaa ho yiri, a te be ho dɔgreba zieŋ, te manne yɛlɛ na zaa Jehoova naŋ e ko bo na ko ba, ane lɛ na oŋ zo ho nembaaloŋ na.” 25 Pɔge kaŋa da bebeŋ a taa pɔg-pɛge baaloŋ a da maŋ kyire zĩĩ yuomo 12. 26 O da di la dɔgɛɛ yaga baaloŋ sanneba yaga nuuriŋ, a da de o bontaree zaa sanna a baaloŋ ŋa, kyɛ o da ba nyɛrɛ laafeɛ, a baaloŋ da maaleŋ erɛɛ faa yaga zaa. 27 Saŋa na oŋ da woŋ Yezu yɛlɛ na, o da kpɛ la a noba poɔ a gyeere Yezu puore a te seene o bonsuurii, 28 bonso o da yeleŋ ka: “Ka maaŋ seene o bonsuurii yoŋ, kyɛ N na nyɛɛ laafeɛ.” 29 A tɔntɔbaalɛ ka a zĩĩ da ŋmaa, ka a pɔge da nyɛ o eŋdaaŋ ka o nyɛɛ laafeɛ yi o baaloŋ faa na poɔŋ. 30 Beŋ la ka Yezu da nyɛ ka kpeɛ̃o yi la o eŋɛŋ, oŋ da leɛ puore a nembeɛoŋ poɔŋ a soore ka: “Aŋ la seene N bonsuurii?” 31 Kyɛ ka o potuuribo yelkoo ka: “Hooŋ meŋɛ nyɛɛ lɛ a nembeɛoŋ naŋ fogle bo a seŋ kyɛ ka ho soorɔ ka, ‘Aŋ la seene ma?’” 32 Kyɛ, ka Yezu da kaara boɔrɔ a neɛ na naŋ e a yɛlɛ ŋa. 33 Kyɛ a pɔge naŋ da baŋ yɛlɛ naŋ e o zieŋ, da miineŋ neŋ dabeɛ̃ a da yi wa le Yezu nimitɔɔreŋ a yeli a yelmeŋɛ zaa koo 34 Beŋ la ka Yezu yelkoo ka: “N pɔgeyaa, ho sagediibu vɛŋɛɛŋ hoŋ nyɛ laafeɛ. Gɛrɛ neŋ emmaaroŋ, ho nyɛ la sammo a yi a baaloŋ faa ŋa poɔŋ.”