Luka

24 Ka Yezu da kaa o a yelkoo ka: “Nyɛ lɛ aŋ na e kpeɛŋaa yaga zaa a ko noba naŋ taa libie ka ba nyɛ sori kpɛ a Naaŋmen Naaloŋ poɔ! 25 Yelmeŋɛ zaa, a na eɛ mɔlɔ ko bontaaŋa ka o tu kpar-pii voɔre a te yi a gaŋ bondaana naŋ na kpɛ Naaŋmen Naaloŋ na poɔ.” 26 Noba na naŋ da woŋ a yɛlɛ ŋa da yeleeŋ ka: “Nembuo pãã na baŋ nyɛ faabo?” 27 Ka o yelka: “Yɛlɛ naŋ koŋ baŋ nyɛ eebo nensaaleba zieŋ na baŋ nyɛɛ eebo Naaŋmen yɛŋ zieŋ.” 35 Saŋa na Yezu naŋ da wa tara Gyɛreko na, dɔɔ kaŋa naŋ da e zɔŋa da zeŋ la a sori noɔre a sɔrɔ. 36 Saŋa na oŋ da woŋ a nembeɛoŋ naŋ da para gɛrɛ na, o da piili soorɛɛ yɛlɛ naŋ erɛ. 37 Beŋ la baŋ yelkoo ka: “Yezu naŋ yi Naazɛrɛ la wa gɛrɛ!” 38 Beŋ la oŋ da kyeere a yelka: “Yezu, Deevid Bidɔɔ, naŋ zo N nembaaloŋ!” 39 Ka a noba naŋ da be a nimitɔɔreŋ da tannoo a yelkoo ka o pɔge o noɔre, kyɛ a saŋa oŋ da lɛ kyeere yaga zaa: “Deevid Bidɔɔ, zo N nembaaloŋ!” 40 Ka Yezu da are a yelka ba de a dɔɔ waneŋ o zie. Saŋa na a dɔɔ-zɔŋ naŋ da wa ta Yezu zie na, Yezu da soorooŋ ka: 41 “Bo hoŋ boɔrɔ ka N e ko bo?” Oŋ yelkoo ka: “Daana, vɛŋ ka N leɛ nyɛrɛ.” 42 Ka Yezu yelkoo ka: “Leɛ nyɛrɛ; ho sagediibu vɛŋɛɛŋ hoŋ nyɛ laafeɛ.” 43 A tɔntɔbaalɛ ka a dɔɔ da nyɛrɛ, o da piili tuuree Yezu, a danna Naaŋmen. Saŋa na a noba zaa naŋ da wa nyɛ lɛ na, ba meŋ da piili dannɛɛ Naaŋmen.