Toma
15 A dɔba ŋa da yi la Gyudiya a sigi wa, a da piili wulo ba yɔɔmine na ka: “Ka yɛneeŋ ba sage ka ba iri yɛ dɛgre aŋa lɛ a Moosis yeltuurii naŋ wuli na, yɛ koŋ baŋ nyɛ faabo.” 2 Kyɛ saŋa na Pɔɔl ane Banabase ne ba naŋ da ŋmɛ nɔkpeɛne baare na, ba da sɛgrɛɛ yɛlɛ ka Pɔɔl, Banabase ane a dɔba ŋa mine gaa a bitontonee ane a nembɛrɛ naŋ da be Gyɛruzɛlɛm zie ka ba te di dama kyaare a yɛlɛ ŋa. 6 Azuŋ, a bitontonee ane a nembɛrɛ da laŋ la taa ka ba di dama a kyaare a yɛlɛ ŋa. 12 Beŋ la ka a noba zaa da zeŋ taŋ ba nɔɛ, a kyɛ kyɛllɛ Pɔɔl ne Banabase yɛlɛ, Pɔɔl ne Banabase da mannɛɛ yelwulii ane yelseɛlɛ na Naaŋmen naŋ da tu ba zie kyɛ e a paalonne poɔŋ na. 13 Saŋa na baŋ da yel a yɛlɛ baare na, Gyimisi da iree la a yelka: “N yɔɔmine, yɛ kyɛlle woŋ N yelyaga ŋa. 14 Siimiyoŋ manne ko teŋ aŋ pɛle welweli a kyaare lɛ Naaŋmen naŋ piili a leɛre o teɛroŋ eŋ a paalonne noba eŋɛŋ ka o kaa iri noba a de o yuori dɔgle ba zuŋ. 15 Yel na oŋ yel na neŋ a Daŋyelba yelbie kyaarɛɛ taa, aŋa lɛ ba naŋ sɛge ka: 16 ‘A yɛlɛ ama puoreŋ, N na leɛ waŋ, a leɛ maale Deevid tɛnt naŋ le na ka o are; N na leɛ mɛ la o ziiri naŋ sãã na a vɛŋ ka o leɛ soma, 17 ka lɛ vɛŋ ka dɔba na naŋ kyɛre na moɔ̃ niŋe a boɔrɔ Jehoova, ane a paalonne noba zaa, bana ka N yuori dɔgle ba zuŋ na, lɛ ka Jehoova yel, onaŋ erɛ a yɛlɛ ama zaa, 18 aŋa lɛ te naŋ baŋ koroŋ zaa na.’ 23 Ba da sɛgɛɛ a yɛlɛ ŋa a de ko ba ka ba de gaa te wuli a noba: “A bitontonee ane a nembɛrɛ, naŋ e yɛ yɔɔmine, te sɛgrɛ korɛɛ te yɔɔmine naŋ be Antiok, Siiriya, ane Selisiya, banaŋ yi a paalonne noba poɔŋ na: Te puoro yɛŋ! 24 Te woŋeeŋ ka noba mine yi la te poɔ a waana neŋ yelbawoŋtaa a kyaare yɛlɛ na ba naŋ yele korɔ yɛ, a boɔrɔ ka ba sãã yɛ teɛroŋ, aneazaa ka te ba ko ba sowuli ka ba e lɛ, 25 te zaa gboŋgboŋ laŋ de la gbɛre, a kaa iri dɔba te poɔŋ a toŋ ba poɔ Banabase ane Pɔɔl te naŋ nɔŋ yaga ka ba wa yɛ zie, 26 ba eɛ dɔba naŋ de ba nyɔvore zaa tonɔ neŋ a te Daana Yezu Krista toma. 27 Te tonɔ la Gyudase ane Silase yɛ zieŋ, ka ba meŋ wa ko yɛ a duoro ŋa neŋ o zu a yi ba menne nɔɛŋ. 28 Bonso a vooroŋ soŋ ane teneeŋ menne ba lɛ boɔrɔ ka te de toɔrɔ zaa dɔgle yɛ zuŋ, kyɛ te boɔrɔŋ ka yɛ baŋ a yelnimizeere ŋa yɛŋ: 29 yɛ kyiire boma ba naŋ de iri sareka ko baga, a ta dire zĩĩ, a ta ɔɔrɔ dunni ba naŋ ba kɔre kyɛ aŋ kpi, a tage yɛ menne yi peɛ̃mo toma poɔŋ. Ka yɛ naŋ tage yɛ menne a yi a yɛlɛ ama poɔ, yɛ na nyɛɛ maaloo yaga. Yɛ taa zeŋ laafeɛ!” 30 Azuŋ, saŋa na baŋ da toŋ ba baŋ gaa na, ba da gaaɛ Antiok a te lagre a noba zaa lantaa a de a lɛtɛ ba naŋ sɛge na ko ba. 31 Saŋa na baŋ da kanne a lɛtɛ baare na, ba zaa da nyagnaŋ ne a faŋa emmo ba naŋ ko ba na. 36 Bebie awala mine puoreŋ, Pɔɔl da yelko la Banabase ka: “Vɛŋ ka te leɛ gaa te puore te yɔɔmine naŋ be a tenne na zaa teŋ gaa te moɔle Jehoova yelbiri na, a nyɛ lɛ ba naŋ erɛ.”