Marko

3 Saŋa na oŋ da be Bɛtane a dire bondirii Saamɔn a kɔŋkɔŋɔ die na, pɔge kaŋa naŋ da taa alabasita yuori naŋ taa kãã nyunoɔ̃ne da wa la o zie, a kãã da eɛ kãã soŋ meŋɛ, ka a daa da e tuo yaga. O da yuo la a alabasita yuori a piili kyire a kãã waara o zu. 4 Beŋ la ka ba mine suuri da iri baŋ piili yele korɔ taa ka: “Bonso oŋ sããna a kãã nyunoɔ̃ ŋa bara lɛ? 5 Bonso te da na baŋ koɔrɛɛ a kãã nyunoɔ̃ ŋa a nyɛ libie pare denari 300 a de ko nandaaneba!” Ka ba suuri da iri a pɔge eŋɛŋ yaga. 6 Kyɛ ka Yezu yelka: “Yɛ ta dɔɔnɔ a pɔge. Bonso yɛŋ boɔrɔ ka yɛ ŋmaa yɛlɛ dɔgloo? Yelsoŋ la oŋ e ko ma. 7 Bonso yɛ maŋ taaɛ nandaaneba yɛ poɔŋ wagre zaa, yɛ na baŋ eɛ soŋ ko ba saŋa zaa yɛ naŋ boɔrɔ, kyɛ wagre zaa naane yɛŋ na maŋ taa ma. 8 O eɛ lɛ zaa oŋ na toɔ̃; o daŋ de la weɛ a kyiri a kãã nyunoɔ̃ waare N eŋdaa a de nara ma korɔ N uumu. 9 Yelmeŋɛ ka N yele korɔ yɛ, zie zaa baŋ na moɔle a duorisoŋ a donɛɛ lombori zaa, ba na maŋ yelee yɛlɛ na a pɔge ŋa naŋ e na a de teɛrɛ o yɛlɛ.” 36 O da yeleeŋ ka: “Abba, N Saa, yelzaa na baŋ nyɛɛ eebo ho zieŋ; iri a ŋmanlee ŋa yi N eŋɛŋ. Kyɛ, a ba e lɛ maaŋ naŋ boɔrɔ, kyɛ lɛ hooŋ naŋ boɔrɔ.”