Gyɔɔn

12 “N naŋ taaɛ yɛlɛ yaga ka N yeli ko yɛ, kyɛ yɛ koŋ baŋ taa a zaa pampana. 13 Kyɛ, saŋa na a soba naŋ na wa na, a yelmeŋɛ vooroŋ na, o na wuli yɛŋ sori a gaaneŋ a yelmeŋɛ zaa poɔ, bonso o koŋ yi o meŋɛ poboɔbo poɔŋ a yeli yelzaa, kyɛ yɛlɛ na oŋ woŋ na la oŋ na maŋ yeli, o na mannɛɛ yɛlɛ naŋ be nimitɔɔreŋ a naŋ na e ko yɛ. 23 A lɛ bebiri na yɛ koŋ la soore ma soorebiri zaa. Bonso yelmeŋɛ ka N yele korɔ yɛ, ka yɛneeŋ sɔre a Saa ka o ko yɛ bonzaa, o na tu la N yuori eŋɛŋ kyɛ de ko yɛ. 24 A wa ta a ŋaaŋ, yɛ naŋ ba tu N yuori eŋɛŋ kyɛ sɔre yelzaa. Yɛ sɔrɔ, ba na ko yɛ la, ka lɛ vɛŋ ka yɛ popeɛloŋ maaleŋ e kpoŋ. 27 A Saa meŋɛ taaɛ nɔmmo a ko yɛ, bonso yɛ meŋ taaɛ nɔmmo a ko ma, yɛ sagedieŋ ka N waɛŋ aŋa Naaŋmen gbɛbɔgi-ara. 33 N mannɛɛ a yɛlɛ ama zaa ko yɛ ka lɛ na vɛŋ ka yɛ tu N zie a taa emmaaroŋ. A yi a donɛɛ poɔŋ yɛ na nyɛɛ toɔrɔ yaga, kyɛ yɛ tare nyaa! N zɔɔtoɔ̃ la a donɛɛ.”