Yieme
19 A sazu mannɛɛ Naaŋmen gyeremɛ yɛlɛ; A sagama naŋ be sazuŋ mannɛɛ o nuure toma yɛlɛ. 4 Kyɛ te woŋee ba yɛlɛ a te ta a tendaa lombori zaa, Ba duoro meŋ taɛ a tendaa lombori zaa. O biŋee tɛnte ko a ŋmenaa sazuŋ; 5 O waa ŋa pɔgderɛ naŋ yi o kultaa die poɔ a waana; O maŋ taaɛ popeɛloŋ aŋa dɔɔ naŋ taa faŋa naŋ zoro o zoobu. 6 O maŋ yi la a sazu lombori baaraa kaŋa, A gyeere lɛɛŋ a te ta o lombo-zaala kaŋa meŋ baaraa; Bonzaa kyebe a ba maŋ nyɛ o toloŋ na. 7 Jehoova bege na paalɛɛŋ, a maŋ vɛŋ hoŋ nyɛ faŋ-paalaa. Yɛlɛ na Jehoova naŋ maŋ leɛteɛre te na taa la dɛlebo, a maŋ vɛŋ ka neɛ naŋ ba baŋ yɛlɛ yaga nimiri e yɛmbaŋna. 8 Jehoova yelbinnee toreeŋ, a maŋ vɛmeŋ ka neɛ sukyiri taa popeɛloŋ; Jehoova bege eɛ forifori, a maŋ vɛmeŋ ka neɛ nimie kyaane. 9 Jehoova zoobu pɛgeyieŋ, a bebe tegitegilɛ. Jehoova sɛrɛɛ ŋmaabo eɛ yelmeŋɛ, a zaa maŋ eɛ sontuubu. 10 A somaŋ yaga zaa a gaŋ sanlii, A e tegroŋ gaŋ sanlii naŋ soma yaga, A noma yaga gaŋ seere, seere naŋ tonno yire segane poɔŋ. 11 A tuuro a eŋɛŋ ho puorebie maŋ nyɛ la kpããmo; Ka neɛŋ de a tonɔ neŋ toma, o na nyɛɛ saŋyɔɔ kpoŋ. 14 Naŋ vɛŋ ka N noɔre yelbie ane N sukyiri teɛrɛ zaa E yɛlɛ naŋ pɛlɛ ho poɔ, Oo Jehoova, N pi-kpɔgree neŋ N Faara.