Ba naŋ Tu Setaana Puori na​—Bo Yɛlaŋ Yi a Poɔ Wa?

Adama ane Hawaa da ba tu Naaŋmen noɔre, a zuŋ ba da kpieŋ. Munpiilee 3:6, 23

Hawaa da tu la a waabo noɔre a di a te-ŋmanee. A puoriŋ, o da de la mine ko Adama ka o meŋ di.

Lɛ na ba naŋ da e na da ba soma—yelbɛu meŋa da la. Naaŋmen da kare baŋ a yi a Paradiisi poɔ.

Ba ne ba biiri da dire la dɔgɛɛ yaga. A baraa zaa, ba korɛɛŋ lɛɛŋ a te kpi. Ba kũũ puoriŋ, ba da ba gaa zie zaa a te bebe a vuurɔ; ba da ba lɛ kye be.

Noba naŋ kpi ba vuurɔ lɛnɛɛ tɛne naŋ ba vuurɔ. Munpiilee 3:19

Te naŋ e Adama ane Hawaa boorɔ na zuŋ, teŋ meŋ kpiire. Ka neɛŋ wa kpi, o ba maŋ lɛ nyɛrɛ, o koŋ baŋ woŋ yɛlɛ, bee o koŋ toɔ̃ e yelzaa.—Ikilisiasitiz 9:5, 10.

Jehoova ba boɔrɔ ka noba kpiire. A koŋ kɔɔre, o na seŋ la kũũne. Ka ba naŋ tu o noɔre, ba na nyɛ la nyɔvore naŋ ba taa baaraa.