Ho Eɛ Siri Kyɛnlɛ Zɔɔbilii Zaa Naŋ Na Toɔ̃ Iri Ho Paaloŋ Naŋ?

Saŋa na a donɛɛ ŋa baaroo naŋ tara na, te kaarɛɛ soriŋ ka zɔɔbilii, neŋko yɛlɛ ane zɔɔre na maaleŋ nyɛrɛɛ nimitɔɔre gaabo yaga. (Yel 6:4) Wala teŋ na baŋ e a nare te menne ko yelkpeɛne teŋ na baŋ tuore nendaare kaŋa na?

• Nare ho meŋɛ siiloŋ poɔŋ: Mɔɔ kyɛ bɔ Baabole sowuli ane Baabole poɔ yɛlɛ naŋ na baŋ eŋ bo faŋa ka ho dɛle Jehoova ane o lantaapuoruu na, a kyɛ lɛ soŋ bo ka ho tage ho meŋɛ yi a donɛɛ nadi yɛlɛ poɔŋ. (Ye 12:5; jr-E 125-126 wɛl. 23-24) Pampana ŋa la aŋ seŋ ka ho neŋ ho yɔɔmine naŋ be a lantaapuoruu poɔŋ nyɔge zɔmennoŋ naŋ e kpeɛŋaa.​—1Pi 4:7, 8

• Nare ho meŋɛ eŋganoŋ poɔŋ: Ho na toɔ̃ bɔɛ bondirii fẽẽ a biŋ, ka a naŋ wa fɛre ka ho be dieŋ a ta yi gaa zie zaa ka ho toɔ̃ e lɛ. Sɛgre yɛlɛ a baŋ lɛ hoŋ na e ka a naŋ wa fɛre ka ho yi ho die gaa ziyuo kaŋa. Kaa a boma na hoŋ de eŋ ho baagi na meŋ a nyɛ, de go-meŋɛ bonsuurii ane libie meŋ eŋ a baagi poɔŋ. Mɔɔ kyɛ baŋ sori hoŋ na baŋ tu ka ho neŋ a lantaapuoruu nembɛrɛ di dama.​—Ai 32:2; g17.5-E 3-7

A zɔɔbilii saŋa naŋ moɔ̃ nimiri puoro Jehoova. (Fi 1:10) Ta wa yire gɛrɛ zi zaala zaa, kyɛ ka a naŋ wa fɛre ka ho yi ho die naŋ, ho na toɔ̃ eɛ lɛ. (Mt 10:16) De ho bondirii ane ho bontaree na mine ko ho taaba.​—Ur 12:13.

KAA A VIDIO ŊA, HO EƐ SIRI KYƐNLƐ SAAMMO ZAA NAŊ NA WA?, KYƐ PÃÃ IRI A SOOREBIE ŊA NƆƐ:

• Sobuo ka Jehoova na toɔ̃ soŋ te saammo saŋa?

• Bo yɛlɛ mine teŋ na baŋ e a nare te menne a ko saammo zaa naŋ na wa?

• Ka te taabaŋ wa tuoro saammo mine, wala teŋ na baŋ e soŋ ba?