KRISTABIIRI ZEMMO YƐLƐ
Vɛŋ Ka Sagediibu Na Hoŋ Taa Naaŋmen Yelbiri Na Eŋɛŋ Maaleŋ E Kpeɛŋaa
Naaŋmen Yelbiri na na toɔ̃ leɛrɛɛ te zemmo. (Hi 4:12) Kyɛ, sɛre teŋ na toɔ̃ nyɛ tɔnɔ yi a Baabole sowuli, kawane ane dɛnnoo poɔŋ na, aseŋ ka te daŋ sagedi peɛlaaŋ ka a Baabole eɛ “Naaŋmen yelbiri.” (1Ts 2:13) Wala teŋ na baŋ e a vɛŋ ka sagediibu na teŋ taa a Baabole eŋɛŋ na maaleŋ e kpeɛŋaa?
Maŋ mɔɔ kyɛ kanne a Baabole fẽẽ bebiri zaa. Saŋa na hoŋ kanna a Baabole na, kaara boɔrɔ sieree naŋ wuli ka Jehoova la vɛŋ baŋ sɛge a Baabole. Aŋa mannoo poɔŋ, kanne Yeng Yelibie gane na a nyɛ lɛ kawane naŋ be o poɔŋ naŋ na toɔ̃ soŋ bo ho bebiri zaa zemmo poɔŋ.—Ye 13:20; 14:30.
Kaa iri yelkaŋa naŋ kyaare a Baabole biŋ, a zanne o yɛlɛ gaa tɔɔre. Zanne nyɛ sieree naŋ wuli ka Naaŋmen la de o vooroŋ soŋ eŋ nensaaleba kpeɛ̃o baŋ sɛge a Baabole. A Research Guide for Jehovah’s Witnesses gane na poɔŋ, bɔ a yelzu ŋa, “The Bible.” Ka hooŋ wa nyɛ o, bɔ a yelzu ŋa, “Inspired by God” naŋ be o puliŋ na. Ka hooŋ boɔrɔ ka ho nyɛ sieree naŋ wuli ka yɛlɛ naŋ be a Baabole poɔŋ na ba leɛre, kanne Appendix A3 naŋ be a New World Translation poɔŋ. A yɛlɛ ŋa na soŋ boŋ ka ho sagediibu maaleŋ e kpeɛŋaa.
KAA A VIDIO ŊA, BON NAŊSO TEŊ TAA SAGEDIIBU . . . NAAŊMEN YELBIRI POƆŊ, KYƐ PÃÃ IRI A SOOREBIE ŊA NƆƐ:
Ba da nyɛɛ bonkaŋa ŋmenpuoredie naŋ be Igyipiti teŋkpɛŋ na baŋ boɔlɔ Karnak na daŋkyiniŋ, sobuo ka a yɛlɛ ŋa vɛŋ teŋ baŋ ka yɛlɛ naŋ be a Baabole poɔŋ na eɛ yelmeŋɛ?
Wala teŋ e baŋ ka yɛlɛ naŋ be a Baabole poɔŋ na ba leɛre?
Noba yaga da boɔrɔŋ ka ba sãã a Baabole, kyɛ a Baabole naŋ bebeŋ a wa ta zenɛ ŋa, sobuo ka a yɛlɛ ŋa vɛŋ hoŋ sagedi ka a Baabole eɛ Naaŋmen Yelbiri?—Kanne Aizeeya 40:8