Nare Ho Laafeeloŋ Yɛlɛ Soŋ Zaa Pampana, Ka Yelzaa Ta Wa Uri Bo

Bonso aŋ seŋ ka ho nare ho meŋɛ? Baaloŋ uraa na baŋ kpɛ teŋ, kyɛbee yel uri kaŋa na baŋ pɔge teŋ saŋa na teŋ ba kaara soriŋ, ka a fɛre ka ba de te gaaneŋ asibiti. Azuŋ, ka hooŋ nare ho meŋɛ sɛre kyɛ ka yel uraa zaa wa pɔge bo, lɛ na vɛmeŋ ka ho toɔ̃ nyɛ baaloŋ saŋ naŋ soma yaga zaa. Lɛ meŋ na wuliŋ ka ho de la nyɔvore ane Jehoova bege na tegroŋ.​—Tm 15:28, 29.

Wala hoŋ na baŋ e a nare ho meŋɛ?

• Puore sɔre Jehoova, a kyɛ mãã ho meŋɛ fiili a durable power of attorney (DPA) fɔɔm.a Naaŋ moɔleba naŋ de suobu na baŋ gaa la neɛ naŋ kaara a lantaapuoruu gama zu zie a te deɛ a DPA fɔɔm, kyɛbee a Identity Card (ic) a ko ba bibiiri naŋ ba ta yuoŋ pie neŋ anii

• Ka pɔgeŋ wa taa poɔ, o na baŋ yelko la a lantaapuoruu nembɛrɛ ka ba koo gane na baŋ boɔlɔ Information for Expectant Mothers (S-401). A gane ŋa na baŋ soŋ boŋ ka ho de gbɛ-sonne a kyaare baaloŋ saŋ yɛlɛ hoŋ na baŋ tuore ho poɔ taabo saŋa ane ho dɔgebo saŋa

• Ka ho baaloŋ saŋ na yɛlɛŋ wa kyaare zĩĩ yɛlɛ, kyɛbee ka a naŋ wa fɛre ka ho gaŋ asibitiŋ, daŋ yelko a lantaapuoruu nembɛrɛ sɛre. Yelko a asibiti noba ka ho kaarɛɛ soriŋ ka Jehoova Sieree Deme kaŋa wa puore bo

Sobuo ka a lantaapuoruu nembɛrɛ na toɔ̃ soŋ bo? Ba na baŋ soŋ boŋ ka ho fiili a DPA fɔɔm. Kyɛ, ba koŋ de gbɛre a kyaare ho baaloŋ saŋ yɛlɛ a ko bo, kyɛbee a wuli bo yɛlɛ naŋ seŋ ka ho e. (Ur 14:12; Ga 6:5) Ka hooŋ wa yelko a lantaapuoruu nembɛrɛ ka ho tuoree baaloŋ saŋ yɛlɛ naŋ kyaare zĩĩ yɛlɛ, ba na arɛɛ ho gbɛbɔgriŋ kyɛ boɔle a Hospital Liaison Committee (HLC) noba wieoŋ lɛ.

Sobuo ka a HLC noba na baŋ soŋ bo? Wulibo na baŋ de ko te yɔɔmine naŋ tonɔ a HLC toma na vɛŋɛɛŋ baŋ maŋ toɔ̃ soŋ laafeeloŋ tontonneba ane lɔɔyare baŋ baŋ teɛroŋ na teŋ taa kyaare zĩĩ. Ba neŋ ho dɔkta na na baŋ di la dama a kyaare soe na oŋ na baŋ tu a saŋ ho baaloŋ na ka o ba de zĩĩ eŋ bo. Ka a naŋ fɛre meŋ, ba na toɔ̃ soŋ boŋ ka ho nyɛ dɔkta naŋ na sage teɛroŋ na hoŋ taa kyaare zĩĩ na.

KAA A VIDIO ŊA, YƐLƐ NAŊ NA TOƆ̃ SOŊ BO KA HO DE GBƐ-SONNE A KYAARE ZĨĨ YƐLƐ, KYƐ PÃÃ IRI A SOOREBIRI ŊA NOƆRE:

• Sobuo ka a vidio ŋa na baŋ soŋ bo ka ho nare ho meŋɛ a ko zĩĩ yɛlɛ zaa naŋ na baŋ uri bo?

  textarea-1