KRISTABIIRI ZEMMO YƐLƐ
Jehoova Maŋ Soŋ Teŋ Teŋ Toɔ̃ Are Te Yelkpeɛne Noɔreŋ
A bebi-baaree ŋa poɔŋ, te na baŋ tuoree yelkpeɛne yaga te zemmo poɔŋ. Saŋa kaŋa, te na maŋ teɛreŋ ka te yelkpeɛne na zuo la te faŋa. Kyɛ, ka teneeŋ moɔ̃ niŋe a tagra peɛlɛ Jehoova, o na soŋ teŋ ka te are yelkpeɛne naŋ gaŋ te faŋa na noɔreŋ. (Ai 43:2, 4) Ka teneeŋ wa tuoro yelkpeɛne, wala teŋ na baŋ e a tage peɛle Jehoova?
Puoro. Ka teneeŋ wa yuo te sukyie a yel yelzaa naŋ dɔɔnɔ te a ko Jehoova, o maŋ ko teŋ emmaaroŋ ane faŋa teŋ na toɔ̃ de are te yelkpeɛne noɔreŋ.—Fi 4:6, 7; 1Ts 5:17.
A lammore. Pampana ŋa la ka Baabole poɔ wuluu, ane teŋ na laŋna neŋ te yɔɔmine na a e yɛlɛ naŋ fɛre yaga zaa. (Hi 10:24, 25) Ka teneeŋ maŋ nare te menne, a gɛrɛ a lammore, a de te menne eŋ a lammore poɔŋ, a maŋ yuo la sori ko Jehoova ka o de o vooroŋ soŋ na soŋ te.—Yel 2:29.
Naaŋ moɔloo. Ka teneeŋ moɔ̃ niŋe a naŋ tonɔ a naaŋ moɔloo toma nimizeɛ̃, a na eɛ mɔlɔ ko te ka te de te teɛroŋ eŋ yɛlɛ naŋ soma poɔŋ. Te neŋ Jehoova ane te yɔɔmine meŋ niiloŋ na maaleŋ eɛ kpeɛŋaa.—1Ko 3:5-10.
KAA A VIDIO ŊA, JEHOOVA YƐŊ KOŊ GYƐ BO BARE, KYƐ PÃÃ IRI A SOOREBIE ŊA NƆƐ:
Saŋa na Malu naŋ wa tuoro yelkpeɛne na, boŋ da somoo oŋ da naŋ kyɛnɛ peɛle Jehoova?
Aŋa Malu, sobuo ka yelbie naŋ be Yieme 34:18 na na baŋ dii te sukyie saŋa na teŋ wa tuoro yelkpeɛne na?
Sobuo ka Malu zemmo yɛlɛ ŋa vɛŋ teŋ baŋ ka Jehoova la maŋ ko te “kpeɛ̃o ŋa naŋ ba taa mannoo” saŋa na teŋ wa tuoro yelkpeɛne na?—2Ko 4:7