KRISTABIIRI ZEMMO YƐLƐ

Sonnɔ Noba Naŋ Ba Boɔrɔ Ŋmenpuore Yɛlɛ Ka Ba Wa Baŋ Neɛ Naŋ Maale Ba Na Soŋ

Saŋa kaŋa, ho maŋ naaraŋ ka ho moɔle a duorisoŋ ko noba naŋ ba boɔrɔ ŋmenpuore yɛlɛ bee? Aminekaŋaŋ, ho na teɛreŋ ka ba koŋ kyɛlle woŋ. Ka lɛ wa la, teɛre ka noba yaga naŋ ba boɔrɔ ŋmenpuore yɛlɛ ane noba naŋ ba sagedi ka Naaŋmen bebeŋ wa leɛ la Jehoova Sieree Deme. Gbɛɛ yaga, ba maŋ boɔrɛɛ neɛ kaŋa ka o soŋ ba ka ba peɛre nyɛ sieree naŋ wuli ka Naaŋmen bebeŋ.—Ur 1:20; 10:14.

KAA A VIDIO ŊA, BAŊ KA—NOBA NAŊ BA TAA SAGEDIIBU NA TOƆ̃ NYƐ LA SAGEDIIBU!—NOBA NAŊ BA PUORO NAAŊMEN, KYƐ PÃÃ IRI A SOOREBIRI ŊA NOƆRE:

Sobuo ka Tommaso zemmo yɛlɛ ŋa na toɔ̃ soŋ bo ka ho taa teɛroŋ naŋ soma, saŋa na hoŋ moɔlɔ a duorisoŋ korɔ noba naŋ ba boɔrɔ ŋmenpuore yɛlɛ?

Sɛge ho noɔre iribo na eŋ kyɛ

Sori hoŋ na toɔ̃ tu kyɛ moɔle a duorisoŋ ko ba

Ka neɛŋ yelka o ba sagedi ka Naaŋmen bebeŋ, de nimimaaroŋ ane gyeremɛ yele yɛlɛ koroo. Wuli o soba ka o baŋ ka ho sereŋ boɔrɔŋ ka ho baŋ teɛroŋ na oŋ taa kyaare a yɛlɛ ŋa. (2Ti 2:24) Vɛŋ ka ho ne o di dama a kyaare yelzuri naŋ pɛlɛ o poɔ. O boɔrɔŋ ka ho ne o di dama a kyaare yɛlɛ naŋ soŋ noba yaga baŋ wa sagedi ka Naaŋmen bebeŋ bee? Ka onaŋ boɔrɔ lɛ, de a gama neŋ a vidiori na baŋ maale a kyaare a yɛlɛ ŋa toŋ neŋ toma. Ba de la a gambilii Was Life Created? ane The Origin of Life—Five Questions Worth Asking poɔ te Wulibo Tontoŋ Boma Daga na poɔŋ, ka lɛ na vɛŋ ka a e mɔlɔ ka te nyɛ a. (A gambilii ŋa be la Nansaalee kɔkɔre poɔŋ.)

A piilee saŋa, dabeɛ̃ na baŋ erɛ boŋ ka ho moɔle a duorisoŋ ko neɛ kaŋa naŋ ba sagedi ka Naaŋmen bebeŋ. Ka hooŋ boɔrɔ, ho na baŋ sɔrɛɛ sommo yi naaŋ moɔlɔ kaŋa naŋ kyile zie. Teɛre meŋ ka, Jehoova na soŋ boŋ ka ho toɔ̃ tɔ noba naŋ boɔrɔ nyɔvore naŋ ba taa baaraa na sukyie, haali ka ana noba naŋ ba sagedi ka o bebeŋ.—Tm 13:48.