APRIL 28–MAY 4
YENG YELIBIE 11
Yieloŋ 90 ane Puoro | A Piilee Yelyaga (Minti 1)
1. Ta Wa Yele Lɛ!
(Minti 10)
Ta wa yele yelzaa naŋ na sãã ho tɔ poɔ (Ye 11:9; w02 5/15 26 wɛl. 4)
Ta wa yele yelzaa naŋ na waneŋ wɛltaa (Ye 11:11; w02 5/15 27 wɛl. 2-3)
Ka neɛŋ wa manne o yelsɔglaa ko bo, ta wa vɛnɛ ka neɛzaa baŋ a yɛlɛ (Ye 11:12, 13; w02 5/15 27 wɛl. 5)
TEƐRE A YƐLƐ ŊA NYƐ: Yezu da yelee yelnimizeɛ kaŋa naŋ be Luka 6:45, sobuo ka a yɛlɛ ŋa na baŋ soŋ te ka te bare yelfaare yeluu?
2. Baabole Poɔ Yelsonne
(Minti 10)
Ye 11:17—Bonso aŋ soma yaga zaa ka te maŋ wulo te taaba nimimaaroŋ? (g20.1 11, daga)
Bo yelsonne hoŋ nyɛ yi a daagbuli ŋa Baabole kannoo na poɔŋ a boɔrɔ ka ho manne ko te?
3. Baabole Kannoo
(Minti 4) Ye 11:1-20 (th-E study 5)
4. Piili Dama Diibu
(Minti 4) MOƆLƆ A DUORISOŊ ZIE ZAA HO NAŊ BE. Saŋa na a dama diibu naŋ nyɛrɛ nimitɔɔre gaabo na, bɔ vuo a manne yelkaŋa hoŋ zanne yi a lammozieŋ ko o soba. (lmd zannoo 2 yelzu bile 4)
5. Leɛ Gaa Nyɛ
(Minti 4) MOƆLƆ A DUORISOŊ ZIE ZAA HO NAŊ BE. De vidio kaŋa naŋ be te Wulibo Tontoŋ Boma Daga na poɔŋ toŋ neŋ toma. (lmd zannoo 8 yelzu bile 3)
6. Soŋ Ba Ka Ba Leɛ Yezu Potuuribo
(Minti 4) GYAMAA POƆ NAAŊ MOƆLOO. Manne a Baabole zannoo yɛlɛ ko o soba, a lɛ wuluu sori teŋ maŋ tu ka te neŋ noba zanne a Baabole. (lmd zannoo 10 yelzu bile 3)
Yieloŋ 157
7. Ta Wa Derɛ Ho Zele Sããna A Lantaapuoruu Emmaaroŋ
(Minti 15) Dama diibu.
Te zaa eɛ noba naŋ ba pɛgeyi, azuŋ te maŋ ŋmeɛrɛɛ gbɛɛ te yelyaga poɔŋ. (Gyi 3:8) Kyɛ, ka teneeŋ leɛteɛre yɛlɛ naŋ na baŋ yi a poɔŋ wa ka teneeŋ wa yeli yɛlɛ naŋ ba seŋ neŋ, a na baŋ soŋ teŋ ka te kaara te yelyaga yeluu zieŋ soŋ. Yelyaga na mine naŋ na toɔ̃ vɛŋ ka a lantaapuoruu emmaaroŋ sãã la ama:
Zɛgemeŋɛ naŋ ba seŋ neŋ. A yelyaga ŋa taa maŋ vɛŋeŋ ka o soba pugiro o meŋɛ te gaali. Lɛ maŋ de la e gaŋtaa neŋ nyuuri waneŋ.—Ye 27:2
Zirii ŋmaabo. Te zaa baŋɛɛŋ ka zirii ŋmaabo ba soma, kyɛ ka neɛŋ baŋ perɛ a de duoro naŋ ba e yelmeŋɛ ko neɛ kaŋa, lɛ meŋ eɛ zirii ŋmaabo. Haali ka neɛŋ ŋma zirii fẽẽ lɛ, kyɛ a na baŋ sãã la yosoŋ na oŋ taa na, azuŋ noba koŋ lɛ sagoo di.—Ik 10:1
Pozu. Ka neɛŋ wa manna o taaba zemmo yɛlɛ korɔ noba a maŋ de zirii poɔ a yɛlɛ poɔŋ, kyɛbee a yele ba yelsɔglɔ, lɛ wuleeŋ ka o zuuree ba poe. (1Ti 5:13) A yɛlɛ ŋa na baŋ wanɛɛ wɛltaa neŋ zɔɔre.
Sutoloŋ yelyaga. Ka neɛŋ wa e te yelkaŋa ka a kpɛ te ka te de sutoloŋ yeli yɛlɛ ko o soba, a eɛ sutoloŋ yelyaga. (Ef 4:26) A yɛlɛ ŋa na baŋ dɔŋɛɛ noba suuri paa.—Ye 29:22
Ŋmɛ a VIDIO, “Yɛ Bare” Yɛlɛ Naŋ Sããna Emmaaroŋ—Vidio Kyɛlee. Pãã soore a kyɛllekyɛlleba ka:
Bo yɛlɛ hoŋ zanne a kyaare lɛ na te yelyaga naŋ na baŋ sãã a lantaapuoruu emmaaroŋ?
Ka hooŋ boɔrɔ ka ho nyɛ sori na baŋ da tu a maale taa, kaa a vidio ŋa “Boɔrɔ Emmaaroŋ Kyɛ Mɔɔrɔ Ka Ho Bɔ A Nyɛ O.”
8. Lantaapuoruu Baabole Zannoo
(Minti 30) bt zuri 25 wɛl. 14-21