Bɔ Baabole Poɔ Yelsonne Mine Hoŋ Na Baŋ De Toŋ Neŋ Toma

Ka teneeŋ wa kanna a Baabole, te na baŋ peɛrɛɛ yɛlɛ gaa tɔɔre a nyɛ Baabole poɔ yelsonne mine naŋ na baŋ soŋ te. Kyɛ wala teŋ na baŋ e nyɛ tɔnɔ yaga yi lɛ eebo eŋɛŋ?

Maŋ peɛre a Baabole poɔ yɛlɛ gaa toɔre. Aŋa mannoo poɔŋ, maŋ peɛre baŋ neɛ naŋ sɛge yɛlɛ na ho na kanne na, neɛ na o naŋ sɛge ko, ane wagre o na sɛge a yɛlɛ. Bo yɛlɛŋ da erɛ a lɛ saŋa na, bo yɛlɛŋ da e sɛre kyɛ ka a lɛ yɛlɛ na erɛ, ane yɛlɛ naŋ da e a puoriŋ?

Maŋ peɛre a soorebie ŋa yɛlɛ ka a soŋ bo ka ho toɔ̃ zanne yelkaŋa yi yɛlɛ na ho naŋ zanne na poɔŋ: ‘Noba na ho naŋ kanna ba yɛlɛ na, bo yɛlɛ baŋ da teɛrɛ? Bo gyogri baŋ da taa? Aseŋ ka N tɔglɔ ba gyogri na bee a ba seŋ ka N tɔglɔ ba?’

De yɛlɛ na ho naŋ zanna na tonɔ neŋ toma a naaŋ moɔloo poɔŋ ane saŋa na ho neŋ noba naŋ laŋ erɛ yɛlɛ na. Ka hooŋ erɛ lɛ ho na taa la yɛŋ aŋa lɛ a Baabole naŋ yeli na: “Neɛ zaa naŋ taa yɛŋ o daana kyɛllɛ a yɛlɛ ŋa.”​—Yiem. 107:43.

• Yɛlɛ mine naŋ na baŋ soŋ bo: Maŋ teɛre nyɛ lɛ a Baabole Poɔ Yelnimizeere zie na te naŋ maŋ zanne a daagbuli poɔ lammo saŋa na naŋ maŋ soŋ te teŋ teɛre nyɛ lɛ teŋ na baŋ de yɛlɛ na te naŋ zanne na tonɔ neŋ toma. A lɛ zie ŋa maŋ taa la soorebie te naŋ na baŋ soore te menne, a teɛre a yɛlɛ gaa toɔre ane fotori teŋ na baŋ zanne yɛlɛ yi a poɔŋ.