Ka Hooŋ Wa Zanne Boma Baare, Maŋ Leɛteɛre Yelnimizeere Na Zaa Ho Naŋ Zanne Na Yɛlɛ

Saŋa kaŋa a maŋ eɛ kpeɛŋaa ko bo ka ho leɛteɛre yɛlɛ ho naŋ zanne na bee? A maŋ pɔgɛɛ te zaa saŋa kaŋa. Boŋ na baŋ soŋ bo? Ka hooŋ wa zanne boma baare, maŋ leɛteɛre yelnimizeere na zaa ho naŋ zanne na yɛlɛ.

Ka hooŋ wa zanna boma a wa ta sogɔ, maŋ mãã ho meŋɛ a leɛteɛre yɛlɛ na ho naŋ zanna na yɛlɛ gaa tɔɔre. Lɛ ka Pɔɔl da eŋnɛ o yɔɔmine na faŋa ka ba erɛ ka ba naŋ wa zanna a lɛtɛ o naŋ sɛge ko ba na. O da yeleeŋ ka: “Pampana a bon te naŋ yele yelzu la ŋa.” (Hib. 8:1) O naŋ da tu a lɛ sori na a kyɛ sɛge a yɛlɛ na zuŋ, o da soŋɛɛ o yɔɔmine na baŋ baŋ yɛlɛ na o naŋ sɛge na tɛgɛ soŋ, ane lɛ yɛlɛ na zaa o naŋ sɛge naŋ kyaare taa.

Ka hooŋ boɔrɔ, maŋ de minti pie a leɛteɛre yelnimizeere na ho naŋ zanne ho zannoo poɔŋ ka hooŋ wa zanne boma baare. Ka hooŋ koŋ baŋ leɛteɛraa soŋ soŋ, ho na baŋ leɛ kaa la a yelzu bilii na bee ka ho leɛ kanne a wɛlbo piilee ziiri na ka a soŋ bo ka ho toɔ̃ leɛteɛre yɛlɛ na ho naŋ zanne na. Ka hooŋ wa zanne yelpaalaa kaŋa, mɔɔrɔ ka ho de ho meŋɛ yelbie a wuli a muni. Ka hooŋ maŋ leɛteɛre yɛlɛ na ho naŋ zanne na, a na soŋ boŋ ka ho ta innaa a kyɛ lɛ soŋ bo ka ho nyɛ lɛ hoŋ na baŋ de a toŋ neŋ toma ho zemmo poɔŋ.