A Baabole Waa Ŋa Kyaanaa, De O Tonɔ Neŋ Toma Soŋ

Yezu potuuro Gyimisi de la a Baabole manne neŋ kyaanaa naŋ maŋ soŋ te teŋ baŋ neɛ na te naŋ waa meŋɛmeŋɛ. (Gyi. 1:22-25) Sobuo teŋ na baŋ de a Baabole toŋ neŋ toma aŋa kyaanaa soŋ zaa?

Maŋ mãã ho meŋɛ a kanna o poɔ yɛlɛ. Ka teneeŋ are kyaanaa nimitɔɔreŋ a lonne yi be wieoŋ lɛ, aminekaŋaŋ te koŋ baŋ ka bonkaŋa mare la te eŋɛ zie kaŋa. Lɛ neŋ o zu la, ka teneeŋ boɔrɔ ka te baŋ gyogri na aŋ seŋ ka te leɛre te enneŋ, aseŋ ka te maŋ mãã te menne a kanna a Baabole, a maŋ peɛre o yɛlɛ meŋ gaa tɔɔre.

Maŋ de a yɛlɛ kyaare neŋ ho meŋɛ, ta maŋ de a kyaara ne ho taaba. Ka teneeŋ leɛre a kyaanaa tori noba, te na nyɛrɛ baŋ a kyaanaa poɔŋ. Te teɛroŋ na baŋ leɛ be la ba waaloŋ eŋɛŋ. Te na baŋ piili kannɛɛ a Baabole a boɔrɔ ka te baŋ te taaba gbɛ ŋmɛ. Kyɛ lɛ eebo koŋ soŋ te ka te sɛgre te menne gbɛ ŋmɛ.

Taa teɛroŋ naŋ soma. Ka teneeŋ maŋ kaara a kyaanaa a boɔrɔ yɛlɛ yoŋ te naŋ ba erɛ soŋ, te enne na baŋ kyoɔreŋ. Aseŋ ka te taa teɛroŋ naŋ soma saŋa na teŋ kanna a Baabole na. Lɛ na vɛŋeŋ ka te koŋ erɛ yɛlɛ naŋ gaŋ yɛlɛ na Jehoova naŋ boɔrɔ ka te erɛ na.​—Yiem. 103:14.