KYƐLEE 1
Sobuo ka Naaŋmen Maŋ Tu a Wullo Te?
A Baabole poɔ ka Naaŋmen maŋ tu a wullo te. 2 Tiimoti 3:16
A yelmeŋa Naaŋmen soŋ la noba baŋ sɛge o teɛroŋ eŋ gane kaŋa naŋ e forifori poɔŋ. A gane la a Baabole. Yelnimbizeere mine be la o poɔŋ, ka Naaŋmen boɔrɔ ka ho baŋ.
Naaŋmen la baŋ yɛlɛ naŋ soma ko te, o na yoŋ la Yɛŋ Zaa Daana. Ka hoŋ kyɛllɛ wono o yɛlɛ, ho na taa la yɛŋ meŋameŋa.—Yeng Yelibie 1:5.
Naaŋmen boɔbo la ka neɛ zaa naŋ be a teŋɛ zu kanna a Baabole. Pampana, a Baabole be la kɔkɔɛ yaga poɔŋ.
Ka hoŋ boɔrɔ ka ho kyɛllɛ wono Naaŋmen yɛlɛ, aseŋ ka ho toɔ̃ kanna a Baabole a woŋ o munni soŋ.
Noba naŋ be a teŋɛ zu zie zaa kyɛllɛ wonoŋ. Maatiu 28:19
Jehoova Sieree Deme na baŋ soŋ bo la ka ho woŋ a Baabole poɔ yɛlɛ munni.
Ba maŋ wullo la noba naŋ be a teŋɛ zu zie zaa Naaŋmen yelmenne.
A ba seŋ ka ho yɔɔ libie kyɛ ka ba wuli bo. Ka hoŋ gaa a Jehoova Sieree Deme Zannoo Zie, ho na baŋ zanne la Naaŋmen yɛlɛ.