Bo Aŋ Seŋ ka Ho Erɛ ka Popeɛloŋ Be Ho Booree Poɔŋ?

Nɔmmo la yel-tegroŋ naŋ na toɔ̃ vɛŋ ka popɛl be a booree poɔŋ. Eefesus 5:33

Naaŋmen sɛgrɛɛŋ biŋ ka, aseŋ ka dɔɔ yeni ane pɔge yeni maŋ kuli taa.

Dɔɔ naŋ taa nɔmmo maŋ wono la yɛlɛ munni, a taa nimimaaroŋ ko o pɔgɔ.

Aseŋ ka pɔgɔ maŋ wono o serɛ noɔre yɛlɛ, ka ba taa noɔre yeni.

Aseŋ ka biiri kyɛllɛ wono ba dɔgreba wulibo.

Taa yelmegloŋ ane nimimaaroŋ. Ta erɛ potuo. Koloosi 3:5, 8-10

Baabole yɛlɛɛŋ ka, aseŋ ka a serɛ nɔnɔ o pɔgɔ lɛnɛɛ oŋ nɔnɔ o meŋa eŋgane. Aseŋ ka a pɔgɔ meŋ korɔ o serɛ gyeremɛ.

A ba taa sori ka a dɔɔ bee a pɔgɔ yi o tɔ puori ka o neŋ neŋ-zaala te gaŋ neŋ taa. A ba taa sori meŋ ka dɔɔ maŋ de pɔge yaga.

Jehoova Yɛlɛ naŋ be a Baabole poɔŋ wuli teŋ lɛnɛɛ teŋ na erɛ ka popɛl be a booree poɔŋ.