Boŋ La A Naaŋmen Naaloŋ?

LƐ A BAABOLE NAŊ YELI

‘Naaŋmen naŋ be sazu na biŋ la naaloŋ aŋ daaŋ kuŋ sãã zaa.’ —Daaniel 2:44, Naangmini Yelihung Pegi’yiruu.

“Tinuu bang ku Bi-dau; A paaluu kaabu na dogiliye u bagibiring.” —Aizeeya 9:6.

MAALOO FO NAŊ NA TOƆ̃ NYƐ

• Fo meŋa na toɔ̃ nyɛ la tɔnɔ yaga a yi naaloŋ ŋa naŋ tori poɔ. —Aizeeya 48:17, 18.

• Laafeeloŋ ane popeɛloŋ na be la donpaalaa kaŋa naŋ waana poɔ. —Yesu Kristo Yeliyuoruu 21:3, 4.

LƐ NA A BAABOLE NAŊ YELI E LA YELMEŊA?

Yelmeŋa la, yɛlɛ ayi ŋa zuiŋ:

• Yesu wuli te la maaloo Naaŋmen Naaloŋ naŋ na wane. Yesu wuli la o potuuribo ka, ba puoro ka Naaŋmen Naaloŋ wa, kyɛ ka O boɔbo e a teŋɛzu kyɛ. (Maatiu 6:9, 10) Yesu e wuli la lɛ Naaŋmen Naaloŋ naŋ na e ku te.

  Yesu naŋ da be a teŋɛzu kyɛ, o da ku la noba naŋ konokɔŋ bondiri, a saŋ baaliba, a kyɛ seŋ kũũni meŋ! (Maatiu 15:29-38; Joon 11:38-44) Yesu wuli la maaloo Naaŋmen Naaloŋ naŋ na wane ka o naŋ wa di Naa, a kaara te zu.—Yesu Kristo Yeliyuoruu 11:15.

• Yɛlɛ naŋ erɛ a teŋɛzu pampana ŋa wuli ka a koŋ kɔɔre, kyɛ ka Naaŋmen Naaloŋ wa. Yesu da yelbiŋ ka, sɛre ka Naaŋmen Naaloŋ na wane emmaaroŋ a teŋɛzu kyɛ, zɔɔre, kɔŋ ane teŋ-zigri na wa la a donɛɛ ŋa zu.—Maatiu 24:3, 7.

  Zenɛ ŋa, te nyɛrɛ la a na yɛlɛ ŋa zaa aŋ erɛ. Azuiŋ nokpeɛne kyebe ka a koŋ kɔɔre, Naaŋmen Naaloŋ na vɛmeŋ ka dɔgɛɛ zaa baare.