Yɛlɛ Naŋ Seŋ Ka Noba Naŋ Wa A Lammo Baŋ

LAAFIILOŊ ZIE Sɔrebo na, aseŋ ka ho baŋ ka NIMIZIBAALOŊ YOŊ baŋ kaara beŋ.

LIBIYƐLƐ Ba ŋmeɛ sama yaga kyɛ bɔ a lammo zie, boma naŋ vɛŋ ka yelyaga yire, vidio boma, ane yɛlɛ yaga baŋ e vɛŋ ka a lammo zie noma kyɛ soŋ te ka te toɔ̃ tage peɛle Jehoova. Ho naŋ na yi ho meŋa boɔboŋ iri libie na soŋ yɔɔ la a sama kyɛ soŋ a donɛɛ lombori zaa duoro emmo toma na. Lɛ naŋ na vɛŋ ka a e mɔlɔ ko bo na, ba biŋɛɛ libidagre a lammo ŋa zie lombori zaa. Libiri zaa ho naŋ na toɔ̃ iri na paɛ te niŋe. A Lantaa Zu Kaariba boɔraŋ ka ba puori bo aŋa lɛ ho naŋ yi ho poɔ zaa iri libie soŋ a Naaloŋ toma.

SONNEBA A sonneba bebeŋ ka ba soŋ bo. Sɔrebo na ka ba naŋ wa wullo bo zie naŋ seŋ ka ho biŋ ho lɔɔre, ane zie naŋ seŋ ka ho tu, ane zenzie, ane yɛlɛ mine taataa, kyɛnlɛ wono ba yɛlɛ.

SUOBO DEEBO Ba na barɛɛ zenziiri a nimitɔɔreŋ ko bana naŋ na de suobo na, ka lɛ naane ba na terɛɛ duoro. Bana na zaa naŋ na de suobo seŋ ka ba wa zeŋ be beguo saŋa Asibiti daare sɛre kyɛ ka a suobo deebo yelyaga piili. Kaŋa zaa seŋ ka o taa bɔɔdeba ane koɔ̃ bonsuurii naŋ seŋ waneŋ.

TOMA SOMMO ZIE Sɔrebo na, ka ho naŋ wa boɔra ka ho soŋ toŋ toma naŋ be a lammo zieŋ, de ho yuori ti ko a Duoro ane Toma Sommo Zie deme.

ZENZIIRI Sɔrebo na, maŋ teɛrɛ ho taa yɛlɛ. Baŋ ka, ho na baŋ deɛ zie biŋ ko ho yideme bee bana na ho ne ba naŋ laŋ kpɛ lɔɔre wa, noba ho ne ba naŋ laŋ kpeɛra, bee ka ho ne ba zanna a Baabole yoŋ. Sɔrebo na, ta wa dera boma dɔglɔ kogri ho naŋ ba pɔ biŋ zureŋ.

ZIE BA NAŊ KAARA BOMA NAŊ BƆRE Bonzaa ho naŋ nyɛ oŋ bɔre seŋ ka ho de gaa ne Zie Ba Naŋ Kaara Boma Naŋ Bɔre. Ka hõõ wa bɔre ho bonzaa, gaa ana zie na ti wuli ka hoŋ so a bon. Aseŋ ka ho nyɔge bibiiri naŋ bɔre yi ba dɔgreba seŋ gaa neŋ be. Kyɛ ama, lɛ ho naŋ na e a ta dɔgre noba naŋ be a lammo zie zaala lɛ na, sɔrebo na, kaara ho bibiiri zu soŋ kyɛ vɛŋ ka ba peɛle bo.

LAMMO IRIŊ MINE

NAALOŊ DUORE-ENNEBA SUKUU Paaneere naŋ di yuomo 23 kyɛ ba gaŋ 65 a boɔra ka ba yaleŋ ba naaŋ moɔlo toma na baŋ gaaɛ lammo ŋa ba naŋ na e ko bana naŋ boɔra ka ba gaa Naaloŋ Duore-enneba Sukuu, ŋmenaa saŋa Kɔseɛra daare. Ba na wullee a saŋa ane zie ba naŋ na laŋ a lammo ŋa.