Aŋ La Naaŋmen?

Nensaaleba zemmo zaa poɔŋ, ba puoree baga yaga zaa. Kyɛ a Baabole yelka Naaŋmen yeni yoŋ la bebe, ona la “e kpoŋ gaŋ ŋmemɛ zaa.” (2 Tungkori 2:5) Naaŋmen buo la lɛ? Boŋ vɛŋ ka Naaŋmen e kpoŋ gaŋ a ŋmemɛ na zaa noba naŋ puoro na? A zannoo ŋa poɔŋ, ho na zannɛɛ yɛlɛ yaga a kyaare a Naaŋmen ŋa.

1. Naaŋmen yuori la bo, ka boŋ wuli ka o boɔrɔŋ ka te baŋ o yuori na?

A Baabole poɔŋ, Naaŋmen wulee o meŋɛ ko te. O yeleeŋ ka: “Maaŋ la Jehoova. N yuori la lɛ.” (Kanne Aizeeya 42:​5, 8.) “Jehoova” eɛ Hiburu yuori. A yuori muni la “O Maŋ Vɛmeŋ Ka O Boɔbo Nyɛ Eebo.” Jehoova boɔrɔŋ ka te baŋ o yuori na. (Yiibu 3:​15) Wala teŋ e baŋ lɛ? O vɛŋɛɛŋ baŋ sɛge o yuori na eŋ a Baabole poɔŋ a gaŋ gbɛɛ 7,000!a Kyɛ a yelmeŋɛ “Naaŋmen naŋ be saluoni saazuŋ ane teŋgane muniŋ” na yoŋ yuori la Jehoova.​—Duturoonomi 4:39.

2. Boŋ ka a Baabole wuli te a kyaare Jehoova?

A Baabole yelka, a ŋmemɛ na zaa nensaaleba naŋ puoro na poɔŋ, Jehoova yoŋ la a yelmeŋɛ Naaŋmen. Ananso la wala? A ananso e la yaga. Jehoova la kpeɛ̃o zaa daana, ona yoŋ la “Sazu Baaraa Zaa Daana donɛɛ zaa eŋɛŋ.” (Kanne Yieme 83:​18.) Ona la “a Kpeɛ̃o Zaa Daana,” lɛ wuleeŋ ka o taa la faŋa a na toɔ̃ e lɛ zaa o naŋ boɔrɔ. Ona la “maale boma zaa”​—a maale sazu ane a donɛɛ ane bonvoɛ zaa naŋ be a teŋɛzuŋ. (Yel-iriwulaa 4:​8, 11) Nensaaleba taa la piilee, kyɛ Naaŋmen yɛŋ ba taa piilee. O bebeŋ lɛɛŋ gɛrɛ tegitegilɛ.​—Yieme 90:2.

3. Naaŋmen taa la yodɔglɔ yaga zaa, kyɛ taa yomeŋɛ bonyeni

Ka hooŋ boɔrɔ ka ho nyɛ tɛɛtɛɛ naŋ be neɛ yuori ane o yodɔglɔ kpakyagaŋ, ŋmɛ a VIDIO, a kyɛ pãã gyieli a soorebiri naŋ tu na yɛlɛ.

VIDIO: Naaŋmen Taaɛ Yodɔglɔ Yaga, Kyɛ O Taaɛ Yomeŋɛ Bonyeni Yoŋ (0:41)

• Bo tɛɛtɛɛ la be yodɔglee aŋa “Daana,” ane yomeŋɛ kpakyagaŋ?

A Baabole yeleeŋ ka noba maŋ puoro la ŋmemɛ ane daaneba yaga. Kanne Yieme 136:​1-3, a kyɛ gyieli a soorebiri ŋa yɛlɛ:

• Aŋ la “a ŋmemɛ zaa Naaŋmen” ane “a daaneba zaa Daana”?

4. Jehoova boɔrɔŋ ka ho baŋ o yuori na a kyɛ boɔlɔ o yuori na meŋ

VIDIO: Naaŋmen Tarɛɛ Yuori?​—Vidio Kyɛlee (3:11)

• Ho teɛre ka Jehoova boɔrɔŋ ka noba baŋ o yuori na bee? Ananso la wala?

Jehoova boɔrɔŋ ka noba boɔlɔ o yuori na. Kanne Urom 10:​13, a kyɛ gyieli a soorebie ŋa yɛlɛ:

• Bonso aŋ e nimizeɛ ka te boɔlɔ Naaŋmen yuori Jehoova na?

• Ka neɛ kaŋaŋ wa teɛre ho yuori a de boɔle bo, wala aŋ maŋ erɛ bo?

• Ka hooŋ wa boɔle Jehoova yuori na, ho teɛre ka wala aŋ maŋ erɛ Jehoova?

5. Jehoova boɔrɔŋ ka ho tage peɛloo

VIDIO: N Da Boɔrɛɛ A Yelmeŋɛ Naaŋmen (8:18)

• A vidio poɔŋ, saŋa na Soten naŋ wa baŋ Naaŋmen yuori na, wala oŋ da e o yɛlɛ?

Ka hooŋ boɔrɔ ka ho e neɛ kaŋa zɔmeŋɛ, o yuori hoŋ maŋ daŋ baŋ. Kanne Gyimisi 4:8a, a kyɛ gyieli a soorebie ŋa yɛlɛ:

• Wala ka Jehoova boɔrɔ ka ho e?

• Ka hooŋ baŋ Naaŋmen yuori a de tonɔ toma, sobuo aŋ na toɔ̃ soŋ bo ka ho tage peɛloo?

A ZANNOO YELNIMIZEERE

A yelmeŋɛ Naaŋmen bonyeni na yuori la Jehoova. O boɔrɔŋ ka te baŋ o yuori na a maŋ de boɔloo a toɔ̃ tage peɛloo.

Bo Hoŋ Zanne

• Sobuo ka Jehoova e o yoŋ a yi ŋmemɛ na zaa noba naŋ puoro na poɔŋ?

• Bonso aŋ fɛre ka te boɔlɔ Naaŋmen yuori na?

• Boŋ wuli ka Jehoova boɔrɔŋ ka te tage peɛloo?

YƐLƐ MINE NAŊ LƐ BEBE

Zanne nyɛ yɛlɛ anuu mine naŋ wuli ka Naaŋmen bebeŋ.

“Naaŋmen Bebeŋ?” (Intanɛt zu gane)

Gyieli nyɛ ananso yɛŋ naŋ bebe ka te sagedi ka saŋa zaa ka Naaŋmen bebe, o ba taa piilee.

“Aŋ Maale Naaŋmen?” (A Watchtower, August 1, 2014)

Zanne nyɛ ananso a naŋ seŋ ka te boɔlɔ Naaŋmen yuori na, haali gba ka te naŋ ba baŋ lɛ na meŋɛ ba naŋ da boɔlɔ o yuori na takoreŋ saŋa na.

“Aŋ La Jehoova?” (Intanɛt zu gane)

Te na baŋ boɔlɛɛ Naaŋmen lɛ zaa te naŋ boɔrɔ bee? Nyɛ ananso zuŋ te naŋ na toɔ̃ yelka o taa la o meŋɛ yuori bonyeni.

“Yoe Awala Ka Naaŋmen Taa?” (Intanɛt zu gane)