A Baabole Eɛ Naaŋmen Yelbiri Oŋ De Ko Te

Jehoova ko teŋ kyɔɔtaa naŋ soma yaga zaa. Ona la a Baabole. Gama 66 la baŋ de lantaa oŋ wa leɛ gane bonyeni baŋ boɔlɔ a Baabole. Kyɛ kaapɔge ho na sooreŋ ka: ‘Yeŋ ka a Baabole yi wa? Nembuoŋ sɛge a Baabole?’ Ka te naŋ boɔrɔ ka te nyɛ a soorebie ŋa nɔɛ iribo, yɛ vɛŋ ka te zanne nyɛ lɛ Naaŋmen yɛlɛ naŋ be a Baabole poɔ naŋ tu kyɛ wa te zie.

1. Ka nensaaleba la sɛge a Baabole yɛŋ, bonso teŋ yelka Naaŋmen zie oŋ yi?

Noba 40 la de yuomo 1,600 sɛge a Baabole a yi yuoni 1513 B.C.E. a waana yuoni 98 C.E. Noba naŋ sɛge a Baaabole na zaa yi la ziyobo. Kyɛ a Baabole poɔ yɛlɛ zaa kyaarɛɛ yelbonyenaa. Bonso ka lɛ na toɔ̃ e? Ananso la ka, a Baabole e la Naaŋmen Yelbiri. (Kanne 1 Tɛsalonika 2:​13.) Noba naŋ sɛge a Baabole na da ba sɛge ba menne teɛroŋ. Kyɛ, “a vooroŋ soŋ la ko ba faŋ ka ba yele a Naaŋmen yelbie.”a (2 Piita 1:​21) Naaŋmen de la o vooroŋ soŋ na eŋ nensaaleba faŋa baŋ sɛge o teɛroŋ eŋ a Baabole poɔŋ.​—2 Timoti 3:16.

2. Aŋ mineŋ na toɔ̃ nyɛ tɔnɔ yi a Baabole poɔŋ?

“A tenne zaa ane a nemboorɔ zaa ane a kɔkɔɛ zaa ane a nensaaleba zaa” na toɔ̃ nyɛɛ tɔnɔ yi duorisonne naŋ be a Baabole poɔŋ na. (Kanne Yel-iriwulaa 14:6.) Naaŋmen vɛŋɛɛŋ baŋ leɛre a Baabole eŋ kɔkɔ yaga poɔŋ a gaŋ gane zaa naŋ be a teŋɛzuŋ. Noba yaga zie zaa naŋ be a teŋɛzuŋ taaɛ a Baabole. Zie la zie zaa noba naŋ be, bee kɔkɔre zaa ba naŋ yele, kyɛ ba na baŋ nyɛɛ a Baabole kanne.

3. Sobuo ka Jehoova gu a Baabole yi saammo eŋɛŋ?

Ba da sɛgɛɛ a Baabole eŋ boma naŋ ba maŋ kɔɔre kyɛ sãã eŋɛŋ, aŋa dunni gama ane vaare eŋɛŋ. Kyɛ dɔbɔ naŋ da nɔŋ Naaŋmen a ba boɔrɔ ka a Baabole sãã na da maŋ leɛ deɛ ba nu sɛge a Baabole soŋ zaa lɛ a eŋ gampaala mine eŋɛŋ biŋ. Aneazaa ka namine ane ŋmenpuore wedeɛreba mine da boɔrɔŋ ka ba sãã a Baabole, kyɛ noba mine da deɛ ba nyɔvoɛ iri sareka a kyɛ na gu a Baabole. Jehoova ba tere sori ka neɛzaa bee bonzaa pigi o sori ka o de o duoro na ko te. A Baabole yelka: “Naaŋmen yelbie maŋ areŋ a gɛrɛ wagre zaa.”​—Aizeeya 40:8.

ZANNE YƐLƐ YAGA POƆ

4. A Baabole vɛŋɛɛŋ teŋ baŋ Neɛ naŋ vɛŋ baŋ sɛge a Baabole

Ŋmɛ a VIDIO. Kyɛ kanne 2 Timoti 3:​16, a kyɛ gyieli a soorebie naŋ tu na yɛlɛ.

VIDIO: Nembuoŋ Sɛge A Baabole?​—Vidio Kyɛlee (2:48)

• Ka nensaaleba la sɛge a Baabole, bonso teŋ yelka o eɛ Naaŋmen Yelbiri?

• Ho teɛre ka yɛŋ bebeŋ ka ho sagedi ka Naaŋmen eŋɛɛ nensaaleba faŋa baŋ sɛge o teɛroŋ biŋ bee?

5. Noba mɔɔ faaŋɛɛŋ ka ba sãã a Baabole

VIDIO: Ba De La A Baabole Tegroŋ​—Vidio Kyɛlee (William Tyndale) (6:17)

• Ŋaa yɛŋ hoŋ nyɛ lɛ noba mine naŋ de ba nyɔvoɛ iri sareka kyɛ toɔ̃ gu a Baabole na, lɛ vɛŋɛɛŋ hoŋ boɔrɔ ka ho kanne a Baabole bee? Ananso la wala?

Kanne Yieme 119:​97, a kyɛ gyieli a soorebiri ŋa yɛlɛ:

• Bonso ka noba mine da de ba nyɔvoɛ iri sareka kyɛ na toɔ̃ leɛre a Baabole gaa kɔkɔyobo a kyɛ de tɔre ko noba yaga?

6. Gane naŋ bebe ko nemboorɔ zaa

A Baabole la gane ba naŋ leɛre gaa kɔkɔ yaga a kyɛ de o tɔre ko noba yaga nensaaleba zemmo zaa poɔŋ. Kanne Toma 10:​34, 35, a kyɛ gyieli a soorebie ŋa yɛlɛ:

• Bonso ka Naaŋmen boɔrɔ ka ba leɛre o Yelbiri na eŋ kɔkɔ yaga poɔŋ, a kyɛ de a Baabole tɔre ko noba yaga zaa?

• Boŋ vɛŋ hoŋ nɔŋ a Baabole yaga zaa?

A ZANNOO YELNIMIZEERE

A Baabole eɛ Naaŋmen Yelbiri, ka Naaŋmen mɔɔ kyɛ vɛŋ oŋ pore ka nensaaleba zaa na toɔ̃ nyɛ kaŋa.

Bo Hoŋ Zanne

• Ka te naŋ yelka Naaŋmen de la o vooroŋ soŋ eŋ noba faŋa baŋ sɛge a Baabole, wala ka lɛ wuli?

• Boŋ tɔ ho sukyiri yaga a kyaare lɛ ba naŋ gu a Baabole, a leɛroo eŋ kɔkɔ yaga, a kyɛ de o tɔre ko noba yaga na?

• Bo teɛroŋ hoŋ taa kyaare Naaŋmen a yi mɔɔre na zaa oŋ mɔɔ a vɛŋ ka ho nu kpɛ o yelbiri na?

YƐLƐ MINE NAŊ LƐ BEBE

Kanne nyɛ lɛ ba naŋ leɛre​—a Baabole yi gaŋ korɔ poɔ a wane kɔkɔ yaga poɔŋ zenɛ ŋa.

“Lɛ Te Naŋ E Nyɛ A Baabole” (Awake!, November 2007)

Zanne nyɛ soe ata mine noba mine naŋ da tu a boɔrɔ ka ba sãã a Baabole kyɛ ba toɔ̃ saaŋoo, kyɛ oŋ naŋ bebe wa tɔ zenɛ ŋa.

“Yelkpeɛne A Baabole Naŋ Tuore Kyɛ Naŋ Bebe Zenɛ” (A Watchtower No. 4 2016)

Nyɛ yelkpeɛne noba mine meŋ naŋ tuore kyɛ leɛre a Baabole eŋ kɔkɔɛ yaga poɔŋ.

Ba De La A Baabole Tegroŋ (14:26)

Ba leɛ sɛgɛɛ a Baabole a kyɛ leɛre o eŋ kɔkɔyobo poɔ gbɛɛ yaga. Wala hoŋ na e baŋ ka a Baabole poɔ yɛlɛ naŋ toreeŋ?

“Ba Leɛrɛɛ A Baabole Poɔ Yɛlɛ Bee?” (Intanɛt zu gane)