Dɛnnoo Wulee Jehoova Nɔmmo

Dɛnnoo ba e wuluu ba naŋ maŋ de ko te yoŋ, kyɛ kawane aneŋ tootage meŋ poɔ la be. Jehoova maŋ ko teŋ dɛnnoo ka lɛ na vɛŋ ka te puoruu sori naŋ seŋ poɔŋ. (Ur 12:1; Hi 12:10, 11) Saŋa kaŋaŋ a maŋ eɛ kpeɛŋaa ka te sage dɛnnoo, kyɛ dɛnnoo maŋ de la mennoŋ aneŋ maaloo wa ko te. (Ye 10:7) Bo yɛlɛŋ seŋ ka a be noba naŋ korɔ dɛnnoo aneŋ noba naŋ deɛrɛ dɛnnoo teɛroŋ poɔŋ?

Noba naŋ terɛ dɛnnoo. A lantaapuoruu nembɛrɛ, bidɔgreba, aneŋ neŋ yobo maŋ moɔraŋ ka ba tɔglɔ Jehoova a terɛ dɛnnoo nimimaaroŋ aneŋ nɔmmo poɔŋ. (Jr 46:28) Ka a dɛnnooŋ wa e kpeɛŋaa gba kyɛ aseŋ ka ho yi nɔmmo poɔŋ a teroo sori naŋ seŋ neŋ.​—Ti 1:13.

Neɛ naŋ deɛrɛ a dɛnnoo. Dɛnnoo zaa ba naŋ korɔ te, a ba seŋ ka te zagre, kyɛ aseŋ ka te mɔɔ a de toŋ toma wieoŋ lɛ. (Ye 3:11, 12) Te zaa naŋ ba pɛgeyi na zuŋ, a fɛrɛɛŋ ka ba maŋ dɛnnɛ te. Te na baŋ nyɛɛ dɛnnoo soe yaga poɔŋ. Te na baŋ nyɛɛ dɛnnoo a yi te Baabole kannoo poɔŋ aneŋ yɛlɛ te naŋ maŋ wono te lammo zie naŋ. Saŋa kaŋa a maŋ wa fɛreŋ ka a lantaapuoruu nembɛrɛ di neɛ kaŋa sarɛɛ a de dɛnnoo a ko o. Ka te naŋ sagra dɛnnoo te na nyɛɛ zeŋ laafeɛ aneŋ nyɔvore naŋ ba taa baaraa.​—Ye 10:17.

KAA A VIDIO ŊA “NEƐ A DAANA NAŊ NƆŊ TOORI LA KA O MAŊ TAGE,” KYƐ PÃÃ IRI A SOOREBIE NƆƐ:

• 

  Wala ka Canon zemmo da waa o biiluŋ saŋa, kyɛ sobuo ka yɛlɛ wa leɛre?

• 

  Bo dɛnnoo ka Jehoova da yi nɔmmo poɔŋ a ko Canon?

• 

  Bo yɛlɛ teŋ na baŋ zanne yi Canon zemmo yɛlɛ ŋa poɔŋ?