Yɛlɛ Mine Naŋ Na Toɔ̃ Soŋ Bo Ka Ho E Naaŋ Moɔloo Lammo Naŋ Soma

Jehoova la sɛgre a naaŋ moɔloo lammo ane a lantaapuoruu lammore ko te, ka lɛ na toɔ̃ vɛŋ ka te wulo taa nɔmmo ane tonveɛle. (Hi 10:24, 25) Aseŋ ka ba maŋ de minti anuu bee minti ayɔpoi e a lammo, a po a noba, a ko ba zie baŋ na te moɔle a duoro, a kyɛ puore meŋ. (Kyɛ ka ba naŋ e a lantaapuoruu lammo kaŋa baare sɛre kyɛ erɛ a naaŋ moɔloo lammo, lɛ yɛŋ aseŋ ka ba e o ŋmaaŋmaa lɛ.) Neɛ naŋ kaara a lammo zu seŋ ka o nare o meŋɛ a wa wuli a naaŋ moɔleba yɛlɛ baŋ na toɔ̃ de toŋ neŋ toma a naaŋ moɔloo poɔŋ a lɛ daare na. Aŋa mannoo poɔŋ, Asibitidaare, te yɔɔmine yaga naŋ ba gaa a naaŋ moɔloo a daagbuli poɔŋ maŋ wa la a lammo, azuŋ a na somaŋ ka o wuli ba yɛlɛ baŋ na toɔ̃ de piili dama diibu a naaŋ moɔloo poɔŋ. Boŋ yelzuri mine yɛŋ na toɔ̃ manne a yɛlɛ a lammo saŋa?

• A naaŋ moɔloo ewuluu naŋ be Te Kristabiiri Zemmo Ane Te Naaŋ Moɔloo Toma​—Lammo Yelsɛgree Gane na poɔŋ

• Lɛ hoŋ na baŋ de yɛlɛ mine naŋ e aŋ ba kɔɔre bee duore saamma mine piili dama diibu a naaŋ moɔloo poɔŋ

• Lɛ hoŋ na toɔ̃ e ka a deo daanaŋ wa yel yelkaŋa noba naŋ maŋ yele a wuli ka ba ba boɔrɔ ka ba kyɛlle ho yɛlɛ na

• Lɛ hoŋ na baŋ moɔle a duorisoŋ ko neɛ naŋ ba sagedi ka Naaŋmen bebeŋ, bee neɛ kaŋa naŋ ba sagedi ka Naaŋmen la iri boma, bee neɛ kaŋa naŋ yele kɔkɔ yuo kaŋa, bee neɛ kaŋa naŋ be puoruu kaŋa naŋ ba kye ho gbandige naŋ

• Lɛ hoŋ na baŋ de yɛlɛ naŋ be a jw.org intanɛt tomazie na, a JW Library^® app, bee a Baabole moɔle a duoro

• Lɛ hoŋ na toɔ̃ de gama naŋ be te Wulibo Tontoŋ Boma Daga na poɔŋ moɔle a duoro

• Lɛ hoŋ na baŋ moɔle a duoro a tuuro fone zuŋ, lɛtɛ sɛgeboŋ, gyamaa poɔŋ, bee a e leɛ gaa nyɛ, bee Baabole zannoo

• Lɛ teŋ na baŋ e go te menne, a leɛre te dama diibu soe, a wulo gyog-sonne a naaŋ moɔloo poɔŋ, kyɛ taa teɛroŋ soŋ a naaŋ moɔloo poɔŋ ane a taa taa

• Ho na baŋ yelee a zannoo kaŋa yɛlɛ bee a ŋmɛ vidio kaŋa naŋ be Vɛŋ Ka Ho Nimiri Moɔŋ Kannoo Ane Wuluu gambile na poɔŋ

• Lɛ hoŋ na toɔ̃ soŋ a kyɛ eŋ ho tɔsoba na faŋa

• Sɛgre kaŋa naŋ kyaare a naaŋ moɔloo toma, bee a naaŋ moɔloo toma yelnyɛ kaŋa naŋ eŋnɛ faŋa