Yɛlɛ Teŋ Na Baŋ Zanne Yi Saamiuel Zemmo Poɔŋ

Saamiuel da di la yelmennoŋ ko Jehoova o nyɔvore zemmo zaa poɔŋ. Saŋa na oŋ da e bibile na, o da ba tɔglɔ Iilai bidɔbɔ Hoofinai ane Fiiniyas gyog-faare na. (1Sa 2:22-26) Saŋa na Saamiuel naŋ da baara na, Jehoova da be la o zie. (1Sa 3:19) Saŋa na oŋ da leɛ dɔɔ nyaaŋaa na gba, kyɛ o da naŋ moɔ̃ la niŋe a puoro Jehoova yelmennoŋ poɔŋ, aneazaa ka o bidɔbɔ na da ba tɔglɔ o gyog-sonne na.​—1Sa 8:1-5.

Bo yɛlɛ teŋ na baŋ zanne yi Saamiuel ewuli soŋ ŋa poɔŋ? Ka hooŋ e baapaalaa, baŋ ka Jehoova baŋɛɛ yelkpeɛne na zaa hoŋ tuoro na ane yɛlɛ zaa naŋ ferɛ bo. Jehoova na baŋ soŋ boŋ ka ho taa nyaa. (Ai 41:10, 13) Ka hooŋ e bidɔgrɔ kaŋa ho bie naŋ bare Jehoova puoruu, Saamiuel yɛlɛ ŋa na baŋ dii la ho sukyiri, bonso Saamiuel meŋɛ da koŋ baŋ fere o bidɔbɔ na ka ba tuuro Jehoova bege na. Saamiuel da barɛɛ a yɛlɛ zaa eŋ Jehoova nuureŋ, a naŋ moɔ̃ niŋe a nyɔge o yelmennoŋ na kpeɛŋaa a kyɛ erɛ yɛlɛ meŋ naŋ pɛlɛ Jehoova poɔ. Aminekaŋaŋ ho ewuli soŋ na na toɔ̃ soŋɛɛ ho bie na ka o leɛ wa Jehoova zie.

KAA A VIDIO ŊA, ZANNE YƐLƐ YI BA ZIE​—SAAMIUEL, KYƐ PÃÃ IRI A SOOREBIE ŊA NƆƐ:

• 

  Bo yɛlɛ ka Saamiuel da e o bibiiloŋ saŋa a wuli ka o taa la nyaa?

• 

  Bo yɛlɛ ka Danny da e a wuli ka o taa la nyaa?

• 

  Sobuo ka Saamiuel da e ewuli soŋ saŋa na oŋ da e dɔɔ nyaaŋaa na?

• 

  Sobuo ka Danny dɔgreba da e ewuli soŋ a ko o?