De A Nyɛ Zeŋ Laafeɛ Tegitegilɛ! Sonnɔ Noba Ka Ba Taa Sagediibu Naŋ E Kpeɛŋaa Jehoova Ane Yezu Eŋɛŋ

Ka Baabole zannezannebaŋ boɔrɔ ka ba pɛle Naaŋmen poɔ, aseŋ ka ba taa sagediibu naŋ e kpeɛŋaa. (Hi 11:6) A Nyɛ Zeŋ Laafeɛ Tegitegilɛ! gane na na toɔ̃ soŋ teŋ ka te tɔ ba sukyie. A gane ŋa taaɛ Baabole sɛgre naŋ soma yaga, o poɔ yɛlɛ muni wommo e la mɔlɔ, o taaɛ soorebie meŋ naŋ toɔrɔ sukyiri, vidiori naŋ noma, ane fotori naŋ veɛlɛ yaga. Ka teneeŋ soŋ te Baabole zannezanneba ka ba taa Kristabiiloŋ gyogri, a kyɛ lɛ soŋ ba ka ba neŋ Naaŋmen niiloŋ soma, te na soŋ baŋ ka ba are kpeɛŋaa a sagediibu poɔŋ.​—1Ko 3:12-15.

Noba mine maŋ teɛreŋ ka ba naŋ koŋ baŋ nyɛ Naaŋmen zuŋ na, ba ne o koŋ baŋ nyɔge zɔmennoŋ. Azuŋ, aseŋ ka te soŋ ba ka ba baŋ Jehoova soŋ a kyɛ dɛloo meŋ.

KAA A VIDIO ŊA, DE A “NYƐ ZEŊ LAAFEƐ TEGITEGILƐ!” SOŊ HO BAABOLE ZANNEZANNEBA KA BA TAA SAGEDIIBU NAŊ E KPEƐŊAA JEHOOVA EŊƐŊ, KYƐ PÃÃ IRI A SOOREBIE ŊA NƆƐ:

• Wala teŋ e baŋ ka te yɔɔpɔge na narɛɛ o meŋɛ soŋ ko a zannoo?

• Sobuo oŋ tu kyɛ de soorebie mine naŋ ba kye a gane poɔŋ soŋ o Baabole zannezanna na oŋ teɛre yɛlɛ naŋ be Aizeeya 41:10, 13 na yɛlɛ gaa tɔɔre?

• Sobuo ka a vidio neŋ a Baabole kannoo ziiri da soŋ o Baabole zannezanna na?

Noba mine ba baŋ a yɔɔdeɛbo yɛlɛ te baare, kyɛbee ba ba baŋ ka o e la kyɔɔtaa naŋ yi Naaŋmen zie. (Ga 2:20) Azuŋ, aseŋ ka te soŋ ba ka ba taa sagediibu a Yezu yɔɔdeɛbo sareka na eŋɛŋ.

KAA A VIDIO ŊA, DE A “NYƐ ZEŊ LAAFEƐ TEGITEGILƐ!” SOŊ HO BAABOLE ZANNEZANNEBA KA BA TAA SAGEDIIBU NAŊ E KPEƐŊAA YEZU EŊƐŊ, KYƐ PÃÃ IRI A SOOREBIE ŊA NƆƐ:

• Wala teŋ e baŋ ka te yɔɔdɔɔ na narɛɛ o meŋɛ ko a zannoo?

• Sobuo oŋ de yɛlɛ naŋ be a “Yɛlɛ Mine Naŋ Lɛ Bebe” zie na soŋ a Baabole zannezanna?

• Bonso aŋ fɛre yaga ka te maŋ puore ko a Baabole zannezanna?