Gaa Zie Ba Naŋ Boɔrɔ Sommo Yaga

Aseŋ ka ho taa sagediibu sɛre kyɛ na baŋ yi zie na hoŋ kpeɛrɛ na a gaa ziyuo kaŋa hoŋ ba baŋ a te moɔle a naaloŋ duoro. (Hi 11:8-10) Ka hooŋ boɔrɔ ka ho yi zie na hoŋ be na gaa zie ba naŋ boɔrɔ sommo yaga, ho na baŋ mannɛɛ a yɛlɛ ko ho lantaapuoruu nembɛrɛ. Bo yɛlɛ mineŋ na baŋ soŋ bo ka ho toɔ̃ ta yɛlɛ na hoŋ de biŋ ho nimitɔɔreŋ na? Ka bo yɛlɛŋ na baŋ lɛ soŋ bo ka ho kaa iri zie naŋ seŋ ka ho gaa? Ho na baŋ zannɛɛ yɛlɛ yaga yi te gama na poɔŋ a kyaare a yɛlɛ ŋa. Ho neŋ noba mine naŋ toɔ̃ gaa te soŋ lantaapuoruu kaŋa na baŋ di la dama. (Ye 15:22) Puore sɔre Jehoova ka o soŋ bo ka ho toɔ̃ de gbɛre naŋ soma. (Gyi 1:5) Zanne yɛlɛ yaga a kyaare zie na hoŋ boɔrɔ ka ho gaa na, ho na baŋ te kpɛɛ be bebie awala mine a nyɛ, sɛre kyɛ de gbɛre ka ho te kpeɛrɛ beŋ a sonnɔ a toma.

KAA A VIDIO ŊA, DE SAGEDIIBU KPƐ A TOMA TOMMO POƆ​—YI HO YIRI GAA ZIE BA NAŊ BOƆRƆ SOMMO YAGA, KYƐ PÃÃ IRI A SOOREBIE ŊA NƆƐ:

• Bo yɛlɛ mine la ka Gabriel da leɛre o zemmo poɔŋ? Boŋ da somoo oŋ toɔ̃ e lɛ?