Naaŋ Moɔloo Naŋ E O Yoŋ A September Kyuu Poɔŋ, Lɛ Teŋ Na E Piili Baabole Zannoo

A September kyuu poɔŋ, te na mɔɔ la te mɔɔbo zaa a de a Nyɛ Zeŋ Laafeɛ Tegitegilɛ! gambile na manne te Baabole zannoo na yɛlɛ ko neɛzaa. Ho na baŋ de la aware lezare neŋ pie waneŋ ka hooŋ e auxiliary paaneɛ ana kyuu na poɔŋ. Sobuo teŋ na tu kyɛ toŋ a naaŋ moɔloo toma ŋa naŋ e o yoŋ na?

• A Piilee Dama Diibu Saŋa: Ho na baŋ de la a Nyɛ Zeŋ Laafeɛ Tegitegilɛ! gambile na puore zie na wuli o soba, ka o poɔŋ pɛle neŋ a yɛlɛ, ho na baŋ wulooŋ lɛ teŋ maŋ tu kyɛ wulo noba a Baabole. Ta wa inne noba mine poɔ naŋ da pɛle neŋ a yɛlɛ saŋa kaŋa naŋ pare, ane noba na zie hoŋ maŋ leɛ gaa na. Ka o sobaŋ zagre ka o zanne a Baabole saŋa kaŋa naŋ pare, kyɛ aminekaŋaŋ ba poɔ na pɛle neŋ la gaŋ-paalaa ane so paalaa na teŋ maŋ leɛ tu kyɛ wulo noba a Baabole na. Ka hooŋ gaa neɛ kaŋa die a ba te nyɛ o, ta de a gambile bare o soba ka o wa de. Ka hooŋ wa sɛgrɛ lɛtɛ korɔ neɛ kaŋa naŋ ba wuli ka o poɔ pɛle neŋ la a yɛlɛ, ta de a gambile poɔ a lɛtɛ poɔŋ. A Lantaapuoruu Sɛvis Komitii na baŋ sɛgrɛɛ naaŋ moɔloo lammo mine poɔ a naaŋ moɔloo lammore eŋɛŋ a September kyuu poɔŋ.

• Ka So Zaala Zaa Meŋ Wa Yuo Ko Bo: Ka ho lantaapuoruu naŋ maŋ de a literature cart tonɔ neŋ toma, ho na baŋ de la a Nyɛ Zeŋ Laafeɛ Tegitegilɛ! gambile eŋ o poɔŋ ka noba nyɛrɛ. Ka neɛzaaŋ wa yelka o boɔrɛɛ a gambile, ho na baŋ mannɛɛ a Baabole zannoo yɛlɛ ko o soba. A dama diibu poɔŋ, ho na baŋ wulee o soba lɛ teŋ maŋ tu kyɛ ka te neŋ noba zanna a Baabole, kyɛbee ho na baŋ yelkooŋ ka ho na wulooŋ a puoreŋ. A naaŋ moɔloo zukaara na baŋ sɛgrɛɛ yɛlɛ ka naaŋ moɔleba naŋ kyili gaa ziiri baŋ dire daa yaga a gbandige poɔŋ a te manne a Baabole zannoo yɛlɛ ko ba. Ho na baŋ mannɛɛ a Baabole zannoo yɛlɛ ko ho tontoŋtaaba, bee neɛzaa hoŋ dire sieree.

Yezu yeleeŋ ka te soŋ noba ka ba wa “leɛ [o] potuuribo,” a kyɛ lɛ “wulo ba” meŋ. (Mt 28:19, 20) A e la te boɔbo ka a naaŋ moɔloo naŋ e o yoŋ ŋa na soŋ teŋ ka te de a Nyɛ Zeŋ Laafeɛ Tegitegilɛ! gama na toŋ a toma ŋa soŋ.