Yɛlɛ Naŋ Be JW.ORG Na Toɔ̃ Soŋ Boŋ Ho Bebiri Zaa Zemmo Poɔŋ

Naaŋmen Yelbiri na na toɔ̃ soŋ teŋ ka te are yelkpeɛne na zaa teŋ tuoro a bebibaaree ŋa poɔŋ na noɔreŋ. (2Ti 3:1, 16, 17) Kyɛ, saŋa kaŋa te maŋ boɔrɛɛ Baabole poɔ kawane naŋ na toɔ̃ soŋ te ka te e yɛlɛ mine. Aŋa mannoo poɔŋ, ho eɛ bidɔgrɔ a boɔrɔ yɛlɛ naŋ na toɔ̃ soŋ bo ka ho wuli ho biiri soŋ bee? Ho e la baapaalaa naŋ tuoro yelkpeɛne ho sagediibu zuŋ? Kyɛbee, ho serɛ bee ho pɔge la kpi, ka lɛ vɛŋ hoŋ dire woore yaga zaa? Ka hooŋ gaa jw.org ho na te nyɛɛ Baabole kawane naŋ na toɔ̃ soŋ bo ka ho are a yelkpeɛne ŋa neŋ a taa mine noɔreŋ.​—Ye 2:3-6.

Kaa a jw.org munpiilee zie na, kliki a BAABOLE WULUU zie na. (Kaa a foto 1.) Ka a bomaŋ wa yi, kaa iri yɛlɛ na hoŋ boɔrɔ. Kyɛbee, ka ho kliki BOMA BINZIE > YELZURI MINE NAŊ BEBE a kaa iri yɛlɛ hoŋ boɔrɔ. (Kaa a foto 2.) Ho na baŋ nyɛɛ a yɛlɛ ŋa zaa JW Library^® poɔŋ.a Aminekaŋaŋ, ho poɔ na pɛleŋ yaga ka hooŋ gaa a ziiri ŋa a te kanne a yɛlɛ ŋa. Ka hooŋ boɔrɔ ka ho nyɛ yelzu na meŋɛ hoŋ boɔrɔ, sɛge a yelzu eŋ a bɔ zie naŋ be jw.org na.

Sɛge a yelzuri ŋa eŋ a bɔ zie na, a kyɛ sɛge yelzuri na mine hoŋ na boɔrɔ ka ho kanne na biŋ.

• Biiri wuluu

• Teɛroŋ gyɛre yɛlɛ baapaalba naŋ maŋ tuoro

• Ka ho serɛ bee ho pɔgeŋ wa kpi