KRISTABIIRI ZEMMO YƐLƐ
Bɔ Naaŋmen Teɛroŋ
Te boɔrɔŋ ka te yel-erre zaa maŋ pɛlɛ Jehoova poɔ. (Ye 27:11) Kyɛ sɛre teŋ na toɔ̃ e lɛ na, aseŋ ka te maŋ derɛ gbɛɛ naŋ wuli ka te taa la Jehoova teɛroŋ, haali saŋa na bege zaa naŋ ba kye a Baabole poɔŋ naŋ wulo te yɛlɛ naŋ seŋ ka te e. Boŋ na toɔ̃ soŋ te ka te e lɛ?
Moɔ̃ niŋe a maŋ zanna a Baabole wagre zaa. Ka teneeŋ wa kanna a Baabole, a maŋ waa ŋa te neŋ Jehoova naŋ dire dama. A Baabole wuli teŋ lɛ na Jehoova neŋ noba mine naŋ da laŋ e yɛlɛ, ane noba mine naŋ da e yɛlɛ naŋ soma ane yɛlɛ naŋ ba soma. Ka teneeŋ zanne a yɛlɛ ŋa gaa tɔɔre, a maŋ soŋ teŋ teŋ baŋ Jehoova teɛroŋ a kyaare yɛlɛ mine. Ka a naŋ wa fɛre ka te de gbɛre, a vooroŋ soŋ na baŋ soŋ teŋ ka te teɛre yelnimizeere ane Baabole poɔ sowuli mine te naŋ zanne yi Naaŋmen Yelbiri na poɔŋ.—Gyn 14:26.
Zanne yɛlɛ yaga poɔ. Ka a naŋ wa fɛre ka ho de gbɛre, soore ho meŋɛ ka, ‘Bo yɛlɛ la be a Baabole poɔŋ a na toɔ̃ soŋ ma ka N baŋ Jehoova teɛroŋ a kyaare a yɛlɛ ŋa?’ Puore sɔre Jehoova ka o soŋ bo, de a yelpeɛre boma naŋ be kɔkɔre na hoŋ wono na poɔŋ a peɛre bɔ Baabole sowuli naŋ na toɔ̃ soŋ bo ka ho de gbɛre naŋ soma.—Ym 25:4.
KAA A VIDIO ŊA, A FƐRƐƐ LA KA “TE ZO A ZOGANTAA ZOOBU NA POƆ TE NAŊ BE NE KANNYIRI”—DIRE BONDIRII NAŊ SOMA, KYƐ PÃÃ IRI A SOOREBIE ŊA NƆƐ:
Bo yelkpeɛne ka a pɔgelee ŋa da tuore a vidio poɔŋ?
Ka hooŋ wa tuore a yelkpeɛne ŋa taa, sobuo hoŋ na toɔ̃ de te yelpeɛre boma na peɛre bɔ yɛlɛ naŋ na toɔ̃ soŋ bo?
Ka teneeŋ maŋ bɔ wagre a zanna boma a kyɛ maŋ peɛre yɛlɛ na teŋ zanna na yɛlɛ gaa tɔɔre, sobuo aŋ na toɔ̃ soŋ te ka te de gbɛ-sonne?—Hi 5:13, 14