A Muni Yɛlɛ

a Saŋa na Gyoob zɔmenne bata naŋ da yelka o eɛ yelfaa kaŋa azuŋ oŋ tuoro yelkpeɛne na, a da vɛŋɛɛŋ ka Gyoob leɛ de o teɛroŋ zaa eŋ o meŋɛ eŋɛŋ, a boɔrɔ ka o pɛge o yuori. Saŋa na o biiri naŋ da kpi, ka o bontaree zaa meŋ yi o nuuriŋ na, a Baabole yeleeŋ ka, “Gyoob da ba e yelfaa zaa kyɛbee a yelka Naaŋmen eɛ yelfaa kaŋa.” (Joob 1:22; 2:10) Kyɛ, saŋa na o zɔmenne naŋ da ŋmaa yɛlɛ dɔgle Gyoob a yelka o eɛ yelfaa kaŋa na, Gyoob da piili yelee ‘yelbie naŋ waa toloŋ.’ Gyoob da de la o teɛroŋ zaa eŋ lɛ na oŋ na toɔ̃ e a pɛge o yuori, o da ba lɛ de o teɛroŋ eŋ lɛ na oŋ na e ka Jehoova yuori na pɛgeyi.—Joob 6:3; 13:​4, 5; 32:2; 34:5.