ZANNOO 06
Wala Ka Nyɔvore E Piili?
“[Naaŋmen] zie ka nyɔvore koɔ̃bulee be.” (Yieme 36:9) Ho sagɛɛ lɛ di bee? Noba mine maŋ teɛreŋ ka neɛzaa naaneŋ maale nyɔvore. Ka a naŋ waa lɛ yɛŋ, lɛ wuleeŋ ka neɛ kaŋa naŋ taa yɛŋ naaneŋ maale nyɔvore. Kyɛ ka Jehoova Naaŋmen la maale nyɔvore yɛŋ, lɛ wuleeŋ ka te zemmo na taaɛ ananso kaŋa, kyɛbee?a Nyɛ lɛ a Baabole naŋ wuli kyaare zie nyɔvore naŋ yi ane bon naŋso teŋ na toɔ̃ sage a Baabole yɛlɛ di.
1. Wala ka a donɛɛ ane boma zaa naŋ be sazuŋ e wa bebe?
A Baabole yeleeŋ ka: “A munpiilee na Naaŋmen daaŋ naaŋ la saluoni ane teŋgane.” (Munpiilee 1:1) Science noba yaga zie zaa sagɛɛŋ ka a donɛɛ taa la piilee. Sobuo ka Naaŋmen tu kyɛ maalaa? O de la o “faŋa” naŋ la a vooroŋ soŋ na maale a donɛɛ zaa, a ŋmarbie, ane boma zaa naŋ be sazuŋ.—Munpiilee 1:2.
2. Bonso ka Naaŋmen maale a teŋgane?
Jehoova “ba naaŋ [a teŋgane] kpale. O maalooŋ ka ba kpeɛrɛ o poɔŋ.” (Aizeeya 45:18) O maalɛɛ te teŋgane ŋa ka o kpeɛbo noma ka nensaaleba na kpeɛrɛ be tegitegilɛ. (Kanne Aizeeya 40:28; 42:5.) Science deme wuleeŋ ka a teŋgane eɛ o yoŋ a yi a ŋmarbi kyɛlɛɛ na poɔŋ. A teŋgane ŋa yoŋ zuŋ ka nensaaleba na baŋ zeŋ a taa nyɔvore.
3. Boŋ vɛŋ ka nensaaleba neŋ dunni ba yi taa?
Jehoova naŋ maale a teŋgane baare na, o maalɛɛ nyɔvore meŋ poɔ. A dɛndɛŋ, o daŋ maalɛɛ bonbulo ane dunni. A puoreŋ, “ka Naaŋmen daaŋ naaŋ nensaalaa o meŋɛ waaloŋ poɔŋ.” (Kanne Munpiilee 1:27.) Boŋ vɛŋ ka nensaaleba e te yoŋ lɛ? Naaŋmen naŋ maale te o waaloŋ poɔ na zuŋ, te na toɔ̃ wulee o gyogri na mine, aŋa nɔmmo ane dantorii. Lɛ na Jehoova naŋ maale te na vɛŋɛɛŋ teŋ na baŋ zanne kɔkɔyobo, ka te naŋ wa nyɛ boma naŋ veɛlɛ yaga zaa, te poɔ zaaŋ maŋ pɛle, ka te naŋ wa woŋ yiele naŋ noma meŋ te eŋɛ zaaŋ maŋ yuoro. Te na toɔ̃ puoree Naaŋmen, kyɛ dunni yɛŋ koŋ toɔ̃ e lɛ.
ZANNE YƐLƐ YAGA POƆ
Ho na nyɛɛ sieree naŋ wuli ka Naaŋmen la sereŋ maale nyɔvore, ho na lɛ nyɛɛ ananso hoŋ na baŋ sage lɛ na a Baabole naŋ yel kyaare boma maaloo na di. Lɛ zanne nyɛ lɛ gyogri nensaaleba naŋ taa naŋ wulo te a kyaare Naaŋmen.
4. Neɛ kaŋa la maale nyɔvore
Ka nensaalebaŋ wa tɔgle Naaŋmen maale boma, noba maŋ pugi baŋ. Azuŋ, ka te naŋ wa nyɛ boma na zaa nensaaleba naŋ kaa kyɛ tɔgle a maale boma na, nembuo aŋ seŋ ka te de puubu ko? Ŋmɛ a VIDIO, a kyɛ gyieli a soorebiri naŋ tu na yɛlɛ.
Boŋ ka nensaaleba tɔgle Naaŋmen maale?
Deo zaa, neɛ kaŋaŋ maŋ mɛ o. Kyɛ nembuo la maale a donɛɛ neŋ o poɔ boma na zaa? Kanne Hiburu 3:4, a kyɛ gyieli a soorebie ŋa yɛlɛ:
Naaŋmen bonmaalee buo soba hoŋ maŋ nyɛ ka ho poɔ pɛle yaga?
Yɛŋ bebeŋ ka ho sagedi ka Naaŋmen la maale a donɛɛ ane bonzaa naŋ be o poɔŋ bee? Ananso la wala?
Ho da baŋɛɛŋ?
Ho na baŋ nyɛɛ duoro ane vidiori naŋ kyaare a yɛlɛ ŋa jw.org zuŋ a yi a yelzuri ŋa muniŋ, “Neɛ Kaŋa La Maaloo Bee?” ane “Yɛlɛ Noba Naŋ Yel Kyaare Lɛ Nyɔvore Naŋ E Piili.”
“Bonso, yiri zaa maŋ taa la o meɛrɛ, kyɛ a boma zaa meɛrɛ la Naaŋmen”
5. Yɛŋ be la lɛ na a Baabole naŋ yel kyaare boma maaloo na poɔŋ
Munpiilee zu 1 poɔŋ, a Baabole wulee lɛ a teŋgane ane nyɔvore naŋ e wa. Ho na toɔ̃ sagɛɛ o poɔ yɛlɛ di, bee a eɛ sensellɛ? Ŋmɛ a VIDIO, a kyɛ gyieli a soorebie naŋ tu na yɛlɛ.
A Baabole wuleeŋ ka bebie ayoɔbo yoŋ ka Naaŋmen de maale a teŋgane ane nyɔvore naŋ be a teŋgane zuŋ na bee?
Ho teɛre ka yɛŋ be la lɛ na a Baabole naŋ wuli kyaare lɛ Naaŋmen naŋ maale boma na bee? Bonso hoŋ teɛrɛ lɛ?
Kanne Munpiilee 1:1, a kyɛ gyieli a soorebiri ŋa yɛlɛ:
Science deme yelka a donɛɛ taaɛ piilee. Sobuo ka science deme yɛlɛ na neŋ yɛlɛ na ho naŋ kanne a Baabole poɔ pampana na kyaare taa?
Noba mine maŋ teɛreŋ ka, kaapɔge Naaŋmen maalɛɛ bonkaŋa ka a bon pãã leɛre lɛɛŋ ka nyɔvo yobo wa. Kanne Munpiilee 1:21, 25, 27, a kyɛ gyieli a soorebie ŋa yɛlɛ:
Ka lɛ a Baabole wuleeŋ ka Naaŋmen maalɛɛ bonkaŋa naŋ taa nyɔvore, ka a bon meŋ leɛre lɛɛŋ te leɛ zomma, dunni, ane nensaaleba bee? Kyɛbee o maalɛɛ nyɔvo “iruŋ” zaa bonyeni bonyeni?b
6. Naaŋmen bonmaalee poɔŋ, dunni neŋ nensaaleba ba yitaa
Te neŋ dunni na Jehoova naŋ maale na ba yi taa. Kanne Munpiilee 1:26, a kyɛ gyieli a soorebiri ŋa yɛlɛ:
Naaŋmen naŋ maale te o waaloŋ poɔ zuŋ na, ka te naŋ wa wulo nɔmmo ane nembazo korɔ noba, lɛ wuleeŋ ka nembo tɔ la Naaŋmen?
NOBA MINE MAŊ YELEŊ KA: “Lɛ na a Baabole naŋ bigre lɛ Naaŋmen naŋ maale boma na eɛ sensellɛ yoŋ.”
Wala hoŋ meŋ teɛre? Ka ananso la wala?
A ZANNOO YELNIMIZEERE
Jehoova la maale a donɛɛ zaa ane nyɔvore zaa.
Bo Hoŋ Zanne
Wala ka a Baabole wuli kyaare lɛ a donɛɛ naŋ e wa?
A Baabole wuleeŋ ka Naaŋmen maalɛɛ bon kaŋa naŋ taa nyɔvore, ka a bon meŋ leɛre lɛɛŋ te leɛ dunni bee nensaaleba, bee Naaŋmen la maale a zaa?
Sobuo ka nensaaleba e ba yoŋ?
YƐLƐ MINE NAŊ LƐ BEBE
Nyɛ lɛ boma naŋ be a donɛɛ poɔŋ naŋ di sieree ka Neɛ kaŋa la maale boma.
“Bo Hoŋ Na Toɔ̃ Zanne Yi Naaŋmen Bonmaalee Poɔŋ” (Awake!, September 2006)
Nyɛ lɛ bi-saa naŋ na toɔ̃ wuli o bie lɛ a Baabole naŋ wulo kyaare lɛ Naaŋmen naŋ maale boma.
Zanne nyɛ lɛ a Baabole naŋ yel kyaare boma leɛroo.
“Boma Mine La Ka Naaŋmen Maale Aŋ Meŋ Leɛre Lɛɛŋ A Maale Boma Tɛɛtɛɛ Bee?” (Intanɛt zu gane)
Zanne nyɛ ka a fossil record bee science noba yelpeɛre yɛlɛ wuleeŋ ka neɛ kaŋa la maale nyɔvore, bee nyɔvore piilee o meŋɛŋ.
Lɛ Nyɔvore Naŋ E Piili—Soorebie Anuu Mine Naŋ Seŋ Ka Te Soore (gambile)
b Ka a Baaboleŋ wa yelka Naaŋmen maalɛɛ boma zaa neŋ o “iruŋ iruŋ,” a wuleeŋ ka o maalaaŋ aŋ e tɛɛtɛɛ yaga.