Baabole zannoo taa la tɔnɔ yaga zaa. Kyɛ, wagre zaa naane aŋ na maŋ e mɔlɔ. Wagre mineŋ ho na maŋ teɛreŋ ka, ka lɛ ho na toɔ̃ moɔ̃ la nimiri zanna a Baabole yɛŋ? Kyɛ, bonso aŋ fɛre ka ho moɔ̃ nimiri zanna a Baabole? Ka a naŋ wa e tuo ko bo gba, kyɛ boŋ na toɔ̃ soŋ bo ka ho moɔ̃ nimiri zanna a Baabole?

1. Bonso ka Baabole zannoo taa tɔnɔ yaga zaa?

“A Naaŋmen yelbiri voorɔ la kyɛ tonɔ.” (Hiburu 4:​12) A Baabole taa la tɔnɔ yaga, bonso o maŋ wulee lɛ Naaŋmen naŋ teɛrɛ ho yɛlɛ seŋ. A Baabole na baŋ soŋ boŋ ka ho taa bammo ane yɛŋ meŋɛmeŋɛ ane tamaa. Agaŋaazaa, o na baŋ soŋ boŋ ka ho e Jehoova zɔmeŋɛ. Ka hooŋ wa zanna a Baabole, vɛŋ ka o nyɛ faŋa ho eŋɛŋ ka lɛ vɛŋ ka ho zemmo soma.

2. Bonso aŋ seŋ ka te de a Baabole poɔ yelmeŋɛ na nimizeɛ?

A Baabole poɔ yelmenne waa ŋa bonnanee mine. Lɛŋ vɛŋ ka a Baabole yele korɔ te ka te “da yelmeŋɛ, a ta wa koɔroo.” (Yeng Yelibie 23:​23) Ka teneeŋ baŋ ka a Baabole poɔ yelmenne na eɛ nimizeɛ a na soŋ teŋ ka te moɔ̃ nimiri zanna a Baabole, haali saŋa na gba teŋ wa tuoro yelkpeɛne.​—Kanne Yeng Yelibie 2:​4, 5.

3. Sobuo ka Jehoova na baŋ soŋ bo ka hoŋ zanna a Baabole?

Jehoova la kpeɛ̃o zaa daana, o naŋ Maale bo a e ho Zɔmeŋɛ na, o boɔrɔŋ ka o soŋ bo ka ho zanne o yɛlɛ yaga. O na toɔ̃ soŋ boŋ ka ho “boɔrɔ kyɛ tonɔ a o popɛle toma.” (Kanne Filipae 2:​13.) Jehoova na toɔ̃ soŋ teŋ ka te moɔ̃ niŋe zanna a Baabole a kyɛ de yɛlɛ na teŋ zanna na meŋ tonɔ neŋ toma. Ka hooŋ boɔrɔ faŋa ka ho are yelkpeɛne bee pigrinyɛ mine noɔreŋ gba, Naaŋmen na baŋ ko boŋ a faŋa. Azuŋ, maŋ puoro sɔrɔ Jehoova ka o soŋ bo ka ho naŋ moɔ̃ nimiri zanna a Baabole.​—1 Tɛsalonika 5:​17.

ZANNE YƐLƐ YAGA POƆ

4. Vɛŋ ka ho Baabole zannoo na e nimizeɛ ko bo yaga zaa

Saŋa kaŋa te toma maŋ wa zuo teŋ, ka lɛ vɛŋ teŋ teɛre ka te koŋ toɔ̃ nyɛ wagre zanne a Baabole. Kyɛ boŋ na baŋ soŋ te? Kanne Filipae 1:10, a kyɛ gyieli a soorebie ŋa yɛlɛ:

• Ho teɛre ka bo “yɛlɛŋ soma yaga zaa” te zemmo poɔŋ?

• Boŋ na baŋ soŋ bo ka ho de ho Baabole zannoo na nimizeɛ yaga zaa?

1. Ka hooŋ ɔŋ tɛne eŋ bokiti poɔŋ ka o pa, a kyɛ lɛ de kubo meŋ eŋna, a koŋ kpɛ

2. Ka hooŋ daŋ de kubo eŋ bokiti poɔŋ kyɛ pãã ɔŋ tɛne eŋ, lɛ yɛŋ a tɛne na kpɛŋ. Lɛ ne o zu la, ka hooŋ “maŋ kaa-iri yeli naŋ soma” a de a lɛ yɛlɛ na de weɛ ho zemmo poɔŋ, ho na baŋ maalɛɛ a zaa kyɛ naŋ nyɛ wagre e yelyobo mine meŋ poɔ

Baabole zannoo maŋ soŋ teŋ teŋ baŋ Naaŋmen a kyɛ lɛ baŋ sori naŋ seŋ ka te tu kyɛ puoruu meŋ. Kanne Matio 5:3, a kyɛ gyieli a soorebiri ŋa yɛlɛ:

• Ka te naŋ de te Baabole zannoo nimizeɛ yaga zaa, bo tɔnɔ teŋ maŋ nyɛ?

5. Are kpeɛŋaa saŋa na noba naŋ wa zɔɔrɔ ne bo

VIDIO: O Naŋ Are Kpeɛŋaa Zuŋ, O Nyɛ La Saŋyɔɔ (5:22)

• A vidio poɔŋ, saŋa na Francesco naŋ wa yel yɛlɛ na o naŋ zanna na ko o yideme ane o zɔmenne na, wala baŋ da e ba yɛlɛ?

• O naŋ da are kpeɛŋaa na zuŋ, bo maaloo oŋ da nyɛ?

Kanne 2 Timoti 2:24, 25, kyɛ gyieli a soorebie ŋa yɛlɛ:

• Wala ka ho yideme ane ho zɔmenne teɛre kyaare yɛlɛ na hoŋ zanna na?

• Aŋa lɛ a sɛgre naŋ yel na, ka neɛ kaŋa poɔŋ ba pɛle neŋ bo a Baabole zannoo zuŋ, wala aŋ seŋ ka ho yel ko o soba? Ka ananso la wala?

6. Ka hooŋ dɛle Jehoova o na soŋ boŋ

VIDIO: Jehoova Maŋ Soŋ Teŋ Teŋ Leɛre Yɛlɛ Te Zemmo Poɔŋ (3:56)

• A vidio poɔŋ, bo leɛroo la ka Jim e aŋ pɛle Jehoova poɔ yaga zaa?

• Bo yɛlɛŋ pɛle ho meŋ poɔ a kyaare Jim ewuli na?

Kanne Hiburu 11:​6, kyɛ gyieli a soorebie ŋa yɛlɛ:

• Bo ka Jehoova na e ko noba na naŋ “boɔrɔ O yɛlɛ”​—a mɔɔrɔ ka ba bammoo kyɛ pɛlɛ o poɔ na?

• Aŋa lɛ hoŋ wa nyɛ na, ka hooŋ mɔɔrɔ ka ho zanne a Baabole, wala ka Jehoova maŋ teɛre kyaare bo?

A ZANNOO YELNIMIZEERE

Aneazaa ka wagre zaa naane aŋ maŋ e mɔlɔ, kyɛ a Baabole zannoo na toɔ̃ soŋ boŋ ka ho nyɛ zeŋ laafeɛ tegitegilɛ. Moɔ̃ nimiri dɛle Jehoova, o na ko boŋ saŋyɔɔ naŋ soma.

Bo Hoŋ Zanne

• Bonso ka a Baabole yelmenne e nimizeɛ ko bo?

• Wala hoŋ na toɔ̃ e a “maŋ kaa-iri yeli naŋ soma”?

• Bonso aŋ seŋ ka ho sɔre Jehoova ka o soŋ bo ka ho naŋ moɔ̃ nimiri zanna a Baabole?

YƐLƐ MINE NAŊ LƐ BEBE

Nyɛ soe anaare mine naŋ soŋ noba yaga baŋ toɔ̃ de ba wagre toŋ ne toma soŋ.

“Lɛ Hoŋ Na Baŋ De Ho Wagre Toŋ Ne Toma Soŋ” (Awake!, February 2014)

Nyɛ lɛ Jehoova naŋ da soŋ pɔge kaŋa saŋa na o serɛ naŋ ba baŋ ananso o naŋ mɔɔrɔ ka o pɛlɛ Naaŋmen poɔ na.

Jehoova Maŋ Soŋ Teŋ Tuo Te Tuobu (5:05)

Nyɛ lɛ dɔɔ kaŋa naŋ nyɛ tɔnɔ a yi o pɔge kannyiri diibu zuŋ.

N Da Peɛrɛɛ a Yelmeŋɛ Nyɛ (6:30)

Noba yaga maŋ yeleŋ ka Jehoova Sieree Deme maŋ wɛlɛɛ booree. Kyɛ a yɛlɛ ŋa eɛ yelmeŋɛ bee?

“Jehoova Sieree Deme Maŋ Wɛlɛɛ Booree Bee Ba Maŋ Tage La Booree Deme Lantaa?” (Intanɛt zu gane)

Yɛlɛ yaga bebeŋ aŋ seŋ ka te de gbɛɛ a kyaaraa. A yɛlɛ mine la, zie teŋ na kpeɛrɛ, toma teŋ na tonɔ a kaara te menne, ane teŋ na de gbɛre ka te na kpɛ la kultaa poɔ, bee ka te koŋ kpɛ kultaa poɔ. Gbɛɛ na mine teŋ maŋ de na na baŋ deɛ toɔrɔ waneŋ te zuŋ, bee ka a vɛŋ ka te taa popeɛloŋ. Gbɛɛ na teŋ maŋ de na meŋ na toɔ̃ sãã la te neŋ Jehoova niiloŋ, bee a vɛŋ ka te neŋ Jehoova niiloŋ na maaleŋ e kpeɛŋaa. Ka teneeŋ de gbɛ-sonne, a maŋ vɛmeŋ teŋ taa popeɛloŋ, a kyɛ lɛ vɛŋ ka Jehoova meŋ poɔ pɛle.

1. Sobuo ka a Baabole na toɔ̃ soŋ bo ka ho de gbɛ-sonne?

Sɛre hoŋ na de gbɛre na, puore sɔre Jehoova ka o soŋ bo. Mãã ho meŋɛ a kaa a Baabole poɔŋ a nyɛ teɛroŋ na Jehoova naŋ taa kyaare gbɛre na hoŋ boɔrɔ ka ho de na. (Kanne Yeng Yelibie 2:3-6.) A yi a yɛlɛ mine poɔŋ, Jehoova maŋ ko teŋ bege a kyaare yɛlɛ naŋ seŋ ka te e ane yɛlɛ naŋ ba seŋ ka te e. Ka a naŋ wa waa lɛ, mɔɔ kyɛ de Jehoova bege na toŋ neŋ toma, bonso, lɛ na soŋ boŋ yaga zaa.

Kyɛ, te de ka ho kannɛɛ a Baabole kyɛ ho ba nyɛ bege zaa naŋ wuli bo yɛlɛ naŋ seŋ ka ho e? Lɛ zaa naŋ la, kyɛ Jehoova naŋ na wuli boŋ “sori naŋ seŋ ka ho tu.” (Aizeeya 48:17) Sobuoŋ? Baabole sowuli mine bebeŋ a na toɔ̃ soŋ bo. Boŋ la Baabole sowuli? Baabole sowuli eɛ yelmenne naŋ be a Baabole poɔŋ a maŋ wuli te Naaŋmen teɛroŋ ane o poteɛrɛ. Ka teneeŋ wa kanne yɛlɛ mine naŋ daaŋ e saŋa kaŋa naŋ pare baŋ sɛgaa eŋ a Baabole poɔŋ, a maŋ soŋ teŋ teŋ baŋ Naaŋmen teɛroŋ. Ka teneeŋ wa baŋ teɛroŋ na Jehoova naŋ taa kyaare yelkaŋa, a maŋ soŋ teŋ teŋ de gbɛɛ naŋ na vɛŋ ka o poɔ pɛle.

2. Ka hooŋ wa boɔrɔ ka ho de gbɛre, bo yɛlɛ aŋ seŋ ka ho daŋ de weɛ a teɛre a yɛlɛ soŋ?

A Baabole yeleeŋ ka: “Neɛ naŋ baŋ o meŋɛ taabo maŋ kaarɛɛ o gbɛ kyenee.” (Yeng Yelibie 14:15) Lɛ wuleeŋ ka, sɛre hoŋ na de gbɛre na, aseŋ ka ho mãã ho meŋɛ a teɛre a yɛlɛ gaa tɔɔre. Saŋa na hoŋ teɛrɛ a yɛlɛ na, ho na baŋ soorɛɛ ho meŋɛ ka: ‘Bo Baabole sowuli la na baŋ soŋ ma ka N de gbɛre naŋ soma? Bo gbɛre maŋ na toɔ̃ de ka lɛ vɛŋ ka toɔrɔ ta wa N zuŋ? Gbɛre ŋa maŋ boɔrɔ ka N de ŋa, a na deɛ toɔrɔ waneŋ noba mine zuŋ bee? Kyɛ, a soorebiri naŋ e nimizeɛ la ŋa, N gbɛre ŋa maŋ boɔrɔ ka N de ŋa na vɛmeŋ ka Jehoova poɔ pɛle bee?’​—Duturoonomi 32:29.

Jehoova la seŋ ka o wulo te yɛlɛ naŋ soma ane yɛlɛ naŋ ba soma. Ka teneeŋ baŋ o bege ane o sowuli na soŋ, a moɔ̃ nimiri a tuuraa meŋ, a na soŋ teŋ ka te taa zoma naŋ soma. Boŋ la zoma? Zoma waa ŋa bonkaŋa naŋ be te eŋɛŋ a maŋ vɛŋ teŋ baŋ ka yɛlɛ na teŋ erɛ na somaŋ, bee yɛlɛ na teŋ erɛ na ba soma. (Urom 2:14, 15) Ka teneeŋ wulo te zoma na soŋ, o na soŋ teŋ ka te de gbɛɛ naŋ soma.

ZANNE YƐLƐ YAGA POƆ

3. Vɛŋ ka a Baabole wulo bo sori

VIDIO: Vɛŋ Ka A Baabole Sowuli Wulo Bo Sori (5:54)

• Bo kyɔɔtaa naŋ soma yaga zaa la ka Jehoova de ko te?

• Bonso ka Jehoova ko te sori ka te maŋ de gbɛre ko te menne?

• Bo boma ka Jehoova ko te ka a soŋ te ka te de gbɛɛ naŋ soma?

Ka hooŋ boɔrɔ ka ho nyɛ a Baabole sowuli kaŋa, kanne Efesu 5:15, 16. Ka yɛ naŋ wa kanne baare, yɛ di dama a kyaare lɛ hoŋ na toɔ̃ “de ho wagre toŋ ne toma soŋ” a . . .

• maŋ kanna a Baabole wagre zaa.

• toɔ̃ e sere soŋ, pɔge soŋ, bidɔgrɔ naŋ soma, bee bi-soŋ.

• maŋ gɛrɛ a lantaapuoruu lammore.

4. A Baabole na toɔ̃ soŋ boŋ ka ho zoma na kyili, ka lɛ vɛŋ ka ho toɔ̃ derɛ gbɛɛ naŋ soma

VIDIO: “Taa Zoma Naŋ Soma” (5:13)

• A yi a vidio poɔŋ, bo yɛlɛ mine la ka te yɔɔpɔge na e ka lɛ vɛŋ ka o zoma na kyili, a toɔ̃ lɛ somoo oŋ de gbɛre naŋ pɛle Jehoova poɔ?

Bonso aŋ ba seŋ ka te vɛŋ ka noba mine de gbɛɛ ko te? Kanne Hiburu 5:14, a kyɛ gyieli a soorebie naŋ tu na yɛlɛ:

• Saŋa kaŋa a maŋ eɛ mɔlɔ ka te yelko noba ka ba de gbɛɛ ko te, kyɛ a sɛgre na teŋ kanne na yeleeŋ ka aseŋ ka te baŋ yɛlɛ ayi mine tɛɛtɛɛ, ana yɛlɛ na la bo?

• Bo yɛlɛŋ na baŋ soŋ bo ka ho wuli ho zoma na soŋ ka o kyili, a kyɛ lɛ de gbɛɛ meŋ naŋ soma?

5. Wulo gyeremɛ a korɔ ho taaba zoma

Neɛzaa taaɛ o zoma, azuŋ gbɛɛ na teŋ maŋ derɛ na koŋ yitaa. Wala teŋ na toɔ̃ e a wuli gyeremɛ a ko zoma na te taaba naŋ taa na? Hooŋ teɛre a yɛlɛ ayi ŋa yɛlɛ soŋ a nyɛ:

A dɛndɛŋ yɛlɛ: Sɛre ka te yɔɔpɔge kaŋa na gaa a lantaapuoruu lammozie na, o maŋ de la eŋgbeesi ane boma mine maale o nimisogɔ oŋ soma soŋ zaa. Beŋ la oŋ gaa lantaapuoruu zaala kaŋa, kyɛ ka o yɔɔpɔgeba naŋ be ana lantaapuoruu naŋ wa nyɛ neɛ kaŋa naŋ maale o nimisogɔ lɛ, a maŋ dɔɔnɔ baŋ yaga zaa.

Kanne Urom 15:1 ane 1 Korinti 10:23, 24, a kyɛ pãã iri a soorebie ŋa nɔɛ:

• Aŋa lɛ a Baabole sɛgre ayi ŋa naŋ wuli na, bo gbɛre ka te yɔɔpɔge na na toɔ̃ de? Ka ho zomaŋ ko bo sori ka ho e yelkaŋa naŋ na dɔŋ neɛ kaŋa zoma naŋ ba koo sori ka o e ana yɛlɛ na, wala aŋ seŋ ka ho e?

A yiiloŋ yɛlɛ: Te yɔɔdɔɔ kaŋa de la gbɛre ka o koŋ nyu dããkpeɛne togitogi, aneazaa ka o baŋɛɛŋ ka a Baabole yeleeŋ ka ka neɛŋ nyu dããkpeɛne fẽẽ, a ba e faa. Beŋ la baŋ toŋboɔle te yɔɔdɔɔ ŋa oŋ gaa paati kaŋa zie a te nyɛ o yɔɔmine naŋ nyuuro dããkpeɛne.

Kanne Ikilisiasitiz 7:16 ane Urom 14:1, 10, a kyɛ gyieli a soorebie ŋa yɛlɛ:

• Aŋa lɛ a Baabole sɛgre ayi ŋa naŋ wuli na, bo gbɛre ka te yɔɔdɔɔ na na toɔ̃ de? Ka hooŋ nyɛ neɛ kaŋa naŋ erɛ yelkaŋa ho zoma naŋ ba ko bo sori ka ho e, wala aŋ seŋ ka ho e?

Bo yɛlɛ mine la na toɔ̃ soŋ bo ka ho de gbɛɛ naŋ soma?

1. Puore sɔre Jehoova ka o soŋ bo ka ho baŋ yɛlɛ naŋ seŋ ka ho e.​—Gyimisi 1:5.

2. Zanne yɛlɛ yaga a yi a Baabole poɔŋ ane a gama na baŋ maŋ kaa a Baabole poɔŋ kyɛ maale na a nyɛ sowuli hoŋ na baŋ de toŋ neŋ toma. Ho neŋ Kristabiiri naŋ kyili na baŋ di la dama a kyaare a yɛlɛ.

3. Ho na baŋ soorɛɛ ho meŋɛ ka, ‘Gbɛre ŋa maŋ boɔrɔ ka N de ŋa na toɔ̃ sãã la maaŋ ne N taaba zoma bee?’

A ZANNOO YELNIMIZEERE

Ka teneeŋ maŋ bɔ teɛroŋ na Jehoova naŋ taa kyaare gbɛre na teŋ yɛŋ de na, a kyɛ lɛ teɛre nyɛ lɛ na te gbɛ de naŋ na toɔ̃ soŋ noba mine bee a pere ba na, a na soŋ teŋ ka te de gbɛɛ naŋ soma.

Bo Hoŋ Zanne

• Boŋ na toɔ̃ soŋ bo ka ho de gbɛɛ naŋ na vɛŋ ka Jehoova poɔ pɛle?

• Wala hoŋ na toɔ̃ e a wuli ho zoma na ka o kyili?

• Wala hoŋ na toɔ̃ e a wulo gyeremɛ korɔ ho taaba zoma?

YƐLƐ MINE NAŊ LƐ BEBE

Kanne a yɛlɛ ŋa a nyɛ lɛ hoŋ na toɔ̃ de gbɛɛ naŋ na vɛŋ ka ho neŋ Naaŋmen niiloŋ na maaleŋ e kpeɛŋaa.

“De Gbɛɛ Naŋ Na Vɛŋ Ka Ho De Emmo Korɔ Naaŋmen” (A Watchtower, April 15, 2011)

Kaa a vidio ŋa, a nyɛ sori na Jehoova naŋ maŋ tu kyɛ wulo te sori.

Jehoova Maŋ Wulee O Noba Sori (9:50)

Dɔɔ kaŋa da boɔrɔŋ ka o de gbɛre kaŋa, kyɛ a da ba e mɔlɔ koo fẽẽ zaa. Kaa a vidio ŋa, a nyɛ yɛlɛ naŋ da somoo oŋ de a gbɛre.

Boma Naŋ Soma Yoŋ La Ka Jehoova Maŋ Ko Te (5:46)

Ka hooŋ boɔrɔ ka ho de gbɛre kaŋa, kyɛ ka a Baabole ba biŋ bege zaa a kyaare ana yɛlɛ na, kanne nyɛ yɛlɛ naŋ na toɔ̃ soŋ bo ka ho de gbɛre naŋ na vɛŋ ka Jehoova poɔ pɛle.

“Wagre Zaa Ka Baabole Bege Yɛlɛ Maŋ Fɛre Bee?” (A Watchtower, December 1, 2003)