Jehoova Vooroŋ Soŋ Da Soŋɛɛ Te Yɔɔmine Baŋ Toŋ Tonkpeɛŋaa Kaŋa

A yi nensaaleba zemmo zaa poɔŋ, Naaŋmen puorebiiri toɔ̃ toŋ la tonkpeɛne yaga zaa. Jehoova la maŋ soŋ ba baŋ toɔ̃ toŋ a lɛ toma na, kyɛ a ba e ba menne faŋa. Yuoni 1954 poɔŋ, Jehoova lantaapuoruu na da maalɛɛ vidio kaŋa baŋ boɔlɔ Toma Jehoova Lantaapuoruu Naŋ Tonɔ. Te yɔɔmine naŋ tonɔ Bɛɛtiliŋ la da maale a vidio, ba kaŋa zaa daaŋ ba toŋ vidio maaloo toma zaa. Kyɛ Jehoova vooroŋ soŋ da toɔ̃ soŋ baŋ, baŋ maale a vidio ŋa. A vɛŋɛɛŋ teŋ taa sagediibu ka, ka teneeŋ dɛle Jehoova te na baŋ toŋ la toma zaa ba naŋ ko te ka te toŋ.​—Zk 4:6.

KAA A VIDIO ŊA, LƐ BA NAŊ DA TU KYƐ MAALE VIDIO KAŊA BA NAŊ BOƆLƆ “TOMA JEHOOVA LANTAAPUORUU NAŊ TONƆ,” KYƐ PÃÃ IRI A SOOREBIE ŊA NƆƐ:

• Bonso baŋ da boɔrɔ ka ba maale vidio naŋ wulo toma ba naŋ tonɔ te donɛɛ zaa tomazikpɛŋ naŋ?

• Sobuo ka a vidio vɛŋ teŋ baŋ ka Bɛɛtil waa ŋa nensaalaa eŋdaa?​—1Ko 12:14-20

• Bo yelkpeɛne ka te yɔɔmine na da tuore saŋa na baŋ da maala a vidio na, ka wala baŋ da e a zɔɔtoɔ̃ a lɛ yelkpeɛne na?

• Boŋ ka a vidio ŋa wulo te kyaare Jehoova vooroŋ soŋ na?