Bo Yɛlɛŋ Na Toɔ̃ Soŋ Bo Ka Ho Libi Yɛlɛŋ Ba Taa Nimiri?

A bebibaaree ŋa poɔŋ, zemmo ba e mɔlɔ fẽẽ zaa. Saŋa na a donɛɛ ŋa baaroo naŋ tagra tara na, zie na maaleŋ e la kpeɛŋaa yaga. Saŋa kaŋa te koŋ maŋ taa bontaree mine. (Hab 3:16-18) Bo yɛlɛŋ na toɔ̃ soŋ bo ka ho libi yɛlɛŋ ba taa nimiri? Aseŋ ka te naŋ moɔ̃ niŋe a dɛle Jehoova Naaŋmen. Jehoova eŋɛɛ noɔre ka o na kaa la o puorebiiri zu velaa zaa, lɛ zaa yɛlɛ naŋ waa, kyɛ Jehoova na ko teŋ boma na yɛlɛ naŋ ferɛ te.​—Ym 37:18, 19; Hi 13:5, 6.

Yɛlɛ hoŋ na toɔ̃ e:

• Puore sɔre Jehoova ka o ko bo yɛŋ, a wulo bo sori a kyɛ sonnɔ bo meŋ.​—Ym 62:8

• E siri ka ho toŋ toma mine hoŋ daaŋ ba toŋ zaa.​—g-E 1/10 8-9, dagre

• Moɔ̃ niŋe a maŋ kanna Naaŋmen Yelbiri na bebiri zaa, a gɛrɛ a lantaapuoruu lammore, a kyɛ moɔlɔ a duorisoŋ meŋ korɔ noba

KAA A VIDIO ŊA, MƐ DEO NAŊ NA TOƆŊ ARE YELKPEƐŊAA ZAA NOƆREŊ​—VƐŊ ‘KA HO NIŊE PAALE NE BOMMA NA HO NAŊ TAA PAMPANA,’ KYƐ PÃÃ IRI A SOOREBIE ŊA NƆƐ:

• Bo yelkpeɛne la ka booree deme mine da tuore?

• Bo yɛlɛŋ e nimizeɛ yaga zaa a gaŋ yelzaa te zemmo poɔŋ?

• Wala teŋ na baŋ e a soŋ noba na libi yɛlɛ naŋ ba taa nimiri na?