ZANNOO 54
Bo Toma Ka “A Gbaŋgba-Bivelaa Ane Yɛmbaŋna” Na Tonɔ?
Yezu la a Krista lantaapuoruu Zusoba. (Efesu 5:23) Yezu be la sazuŋ pampana ŋa, kyɛ o maŋ tu la “a gbaŋgba-bivelaa ane yɛmbaŋna” zie a kyɛ de sowuli korɔ o potuuribo naŋ be a teŋɛzuŋ. (Kanne Matio 24:45.) Yezu meŋɛ la kaa iri a “gbaŋgbaa” ŋa. Azuŋ te na baŋ yeliŋ ka a gbaŋgbaa ŋa taaɛ kpeɛ̃o fẽẽ, kyɛ o naŋ e la gbaŋgbaa a ko Yezu a kyɛ tonɔ korɔ Yezu yɔɔmine meŋ. Nembuo la a gbaŋgbaa ŋa? Sobuo ka a gbaŋgbaa ŋa maŋ tu kyɛ kaara Yezu potuuribo na?
1. Nembuo la “a gbaŋgba-bivelaa ane yɛmbaŋna”?
Jehoova maŋ tu la dɔɔyeni kaŋa zie, kyɛbee dɔbɔ bawala mine zie kyɛ de sowuli korɔ o puorebiiri. (Maalakai 2:7; Hiburu 1:1) Yezu kũũ puoreŋ, a bitontonee ane a lantaapuoruu nembɛrɛ naŋ da be Gyɛruzɛlɛm la da derɛ Yezu potuuribo na weɛ. (Toma 15:2) Zenɛ ŋa meŋ, Jehoova Sieree Deme Lantaa Zukaareba na la derɛ sowuli korɔ Yezu potuuribo. Ba e la a lantaapuoruu nembɛrɛ bawala mine naŋ maŋ de Baabole poɔ wuluu naŋ soma a korɔ te, a kyɛ lɛ wulo te sori a kyaare lɛ teŋ na toɔ̃ tonɔ a naaŋ moɔloo toma soŋ. A noba ŋa la “a gbaŋgba-bivelaa ane yɛmbaŋna ka [Yezu]” kaa iri na. (Matio 24:45a) Noba naŋ e a Lantaa Zukaareba e la Kristabiiri Jehoova naŋ de o vooroŋ soŋ na kaa iri ba ka ba te poɔ Yezu eŋɛŋ ka ba ne o di Naaloŋ sazuŋ. Azuŋ, ka ba naŋ wa kpi, Jehoova na seŋ baŋ ka ba iri gaa sazu.
2. Bo Baabole poɔ wuluu la ka a gbaŋgba-bivelaa maŋ korɔ te?
Yezu yeleeŋ ka a gbaŋgba-bivelaa na korɔ la “ba [Kristabitaaba] bondirii a saŋa na a naŋ seŋ ne.” (Matio 24:45b) Ka teneeŋ dire bondirii naŋ soma, a maŋ vɛmeŋ teŋ taa faŋa ane laafeeloŋ naŋ soma. Lɛ neŋ o zu la, a Baabole poɔ wuluu maŋ toɔ̃ eŋ teŋ faŋa teŋ naŋ dire yelmennoŋ a korɔ Jehoova, a kyɛ lɛ moɔ̃ niŋe meŋ tonɔ a naaŋ moɔloo toma na Yezu naŋ ko te ka te tonɔ na. (1 Timoti 4:6) Te maŋ nyɛɛ a Baabole poɔ wuluu ŋa saŋa na teŋ wa gaa te lammore, te lammobilii ane te lammobɛrɛ. Te maŋ lɛ nyɛɛ a wuluu ŋa meŋ a yi gama na baŋ maŋ kaa a Baabole poɔŋ kyɛ maale na. Vidiori na baŋ maŋ maale na maŋ soŋ teŋ teŋ erɛ yɛlɛ Naaŋmen naŋ boɔrɔ, a kyɛ lɛ vɛŋ ka te ne o niiloŋ na maaleŋ e kpeɛŋaa.
ZANNE YƐLƐ YAGA POƆ
Ho na zanne nyɛɛ bon naŋso a naŋ fɛre ka “a gbaŋgba-bivelaa ane yɛmbaŋna” naŋ e a Lantaa Zukaareba na wulo te sori.
A Lantaa Zukaareba maŋ de la Baabole poɔ wuluu naŋ soma a korɔ Jehoova Sieree Deme naŋ be a donɛɛ lombori zaa. Ba maŋ korɔ baŋ sowuli a kyɛ sonnɔ ba soe yaga meŋ poɔŋ
3. A fɛrɛɛ la ka ba sɛgre Jehoova puorebiiri
Saŋa na Krista puoruu naŋ da piili na, Yezu da kaa iree dɔbɔ mine naŋ da e Lantaa Zukaareba baŋ wulo o potuuribo sori. Zenɛ ŋa meŋ, a Lantaa Zukaareba la derɛ sowuli korɔ Jehoova puorebiiri zaa naŋ be a donɛɛ lombori zaa. Ŋmɛ a VIDIO.
Kanne 1 Korinti 14:33, 40, a kyɛ gyieli a soorebiri ŋa yɛlɛ:
Bo yɛlɛ hoŋ nyɛ a Baabole sɛgre ŋa poɔŋ aŋ vɛŋ hoŋ baŋ ka Jehoova boɔrɔŋ ka ba sɛgre o Sieree Deme na soŋ zaa?
4. A gbaŋgba-bivelaa maŋ sɛgrɛɛ te naaŋ moɔloo toma na
A dɛndɛŋ Kristabiiri na da de la a naaŋ moɔloo toma nimizeɛ yaga zaa. Kanne Toma 8:14, 25, a kyɛ gyieli a soorebie ŋa yɛlɛ:
Saŋa na Krista puoruu naŋ wa piili na, nembuoŋ da de sowuli korɔ ba a kyaare lɛ naŋ seŋ ka ba tonɔ a naaŋ moɔloo toma?
Saŋa na a bitontonee naŋ da de sowuli ko Piita ane Gyɔɔn na, wala baŋ da e ba yɛlɛ?
A naaŋ moɔloo toma la toma naŋ e nimizeɛ yaga zaa a ko a Lantaa Zukaareba. Ŋmɛ a VIDIO.
Yezu da vɛŋɛɛŋ teŋ baŋ ka a naaŋ moɔloo toma la toma naŋ e nimizeɛ yaga zaa a gaŋ toma zaa. Kanne Marko 13:10, a kyɛ gyieli a soorebie naŋ tu na yɛlɛ:
Bonso ka a Lantaa Zukaareba de a naaŋ moɔloo toma nimizeɛ yaga zaa lɛ?
Bonso aŋ fɛre ka “a gbaŋgba-bivelaa ane yɛmbaŋna” sɛgre a naaŋ moɔloo toma soŋ, ka lɛ vɛŋ ka te toɔ̃ moɔle a duorisoŋ a tendaa lombori zaa?
5. A gbaŋgba-bivelaa la maŋ de sowuli korɔ Yezu potuuribo
A Lantaa Zukaareba la maŋ de sowuli korɔ Kristabiiri naŋ be a donɛɛ lombori zaa. Bo yɛlɛŋ maŋ toɔ̃ soŋ ba baŋ de sowuli naŋ seŋ neŋ a korɔ te? Vɛŋ ka te nyɛ lɛ a lantaa zukaareba naŋ da maŋ de sowuli ko a dɛndɛŋ Kristabiiri na. Kanne Toma 15:1, 2, a kyɛ gyieli a soorebie ŋa yɛlɛ:
Bo yɛlɛ la da waana neŋ nɔkpeɛne a dɛndɛŋ Kristabiiri na kpakyagaŋ?
Aŋ mine zie ka bitontona Pɔɔl, Banabase ane ba taaba na da gaa te bɔ sowuli?
Kanne Toma 15:12-18, 23-29, a kyɛ gyieli a soorebiri ŋa yɛlɛ:
Sɛre ka a dɛndɛŋ Kristabiiri lantaa zukaareba na de gbɛre na, bo yɛlɛ baŋ maŋ daŋ e a de bɔ Naaŋmen teɛroŋ a kyaare a yɛlɛ?—Kaa o wɛlbo 12, 15, ane 28.
Kanne Toma 15:30, 31 ane 16:4, 5, a kyɛ gyieli a soorebie ŋa yɛlɛ:
Saŋa na a dɛndɛŋ Kristabiiri naŋ da nyɛ sowuli yi a lantaa zukaareba zieŋ na, wala baŋ da e ba yɛlɛ?
Saŋa na baŋ da sage a lantaa zukaareba noɔre na, bo maaloo baŋ da nyɛ?
Kanne 2 Timoti 3:16 ane Gyimisi 1:5, a kyɛ gyieli a soorebiri ŋa yɛlɛ:
Zenɛ ŋa, ka a Lantaa Zukaarebaŋ wa boɔrɔ ka ba de gbɛre a kyaare yelkaŋa, aŋ zie baŋ maŋ gaa a te bɔ sowuli?
NOBA MINE MAŊ YELEŊ KA: “A Lantaa Zukaareba e la nensaaleba, azuŋ, ka hooŋ kyɛllɛ ba yɛlɛ lɛ wuleeŋ ka nensaaleba la hoŋ tuuro.”
Boŋ vɛŋ hoŋ sagedi peɛlaaŋ ka Yezu la wulo a Lantaa Zukaareba sori?
A ZANNOO YELNIMIZEERE
A Lantaa Zukaareba la “a gbaŋgba-bivelaa ane yɛmbaŋna” Yezu naŋ kaa iri na. Ba maŋ de la Baabole poɔ wuluu ane sowuli korɔ Kristabiiri naŋ be a tendaa lombori zaa.
Bo Hoŋ Zanne
Nembuoŋ kaa iri “a gbaŋgba-bivelaa ane yɛmbaŋna”?
Wala ka a Lantaa Zukaareba maŋ e a toɔ̃ kaara te zu velaa zaa?
Ho sagedieŋ ka a Lantaa Zukaareba la “a gbaŋgba-bivelaa ane yɛmbaŋna”?
YƐLƐ MINE NAŊ LƐ BEBE
Kanne a yɛlɛ ŋa a nyɛ sori na a Lantaa Zukaareba naŋ maŋ tu kyɛ tonɔ ba toma.
“Bo La Jehoova Sieree Deme Lantaa Zukaareba Na?” (Intanɛt zu gane)
Wala ka a Lantaa Zukaareba maŋ e a de Baabole poɔ wuluu naŋ be dɛlebo a ko te? Kaa a vidio ŋa a nyɛ a noɔre iribo.
Lɛ Na Baŋ Maŋ Mɔɔ Kyɛ Sɛge Yɛlɛ Naŋ Be Te Gama Na Poɔŋ Aŋ Tori (17:18)
Bo teɛroŋ ka a Lantaa Zukaareba kaŋa zaa taa kyaare toma na Yezu naŋ de ko ba ka ba tonɔ na?
Sobuo ka te lammore ane te lammobɛrɛ na maŋ wuli ka Jehoova la wulo a Lantaa Zukaareba sori?