Lɛ ho naŋ na toɔ̃ nyɛ tɔnɔ yaga yi a Baabole zannoo ŋa poɔŋ
Ho neŋ wuliwulo kaŋa zanne: Yelko neɛ naŋ de a gane ŋa ko bo na ka o neŋ bo zanne a Baabole, kyɛbee sɛge ko te te intanɛt wɛbsait, jw.org zuŋ ka ho boɔrɔŋ ka te neŋ bo zanne a Baabole.
A PIILEE
Kanne a wɛlebo kaŋa zaa, ane a soorebie naŋ e bɛrɛ bɛrɛ na (A) ane a sɛgre (B) naŋ wulo a yelnimizeere meŋameŋa na. Aseŋ ka ho baŋ ka a na fɛreŋ ka ho kanne a sɛgre ba naŋ sɛge ka “kanne” na.
A SEŊSOORI
A piilee yɛlɛ naŋ be (D) Zanne Yɛlɛ Yaga Poɔ na wulee yɛlɛ naŋ tu a puoreŋ. A yelzubilii (E) wulee yɛlɛ naŋ be a zannoo poɔŋ. Kanne a sɛgre, a iri a soorebie nɔɛ, a kyɛ kaa a vidiori (Ɛ).
Gyieli a fotori naŋ bebe na yɛlɛ (F), a kyɛ teɛre lɛ ho naŋ na yel kyaare zie na o naŋ yelka Noba Mine Maŋ Yeleŋ Ka (G) na.
A BAARAA
A Zannoo Yelnimizeere ane Bo Hoŋ Zanne (H) ziiri na meŋ maŋ de la a zannoo zaa wa o baaraa. Sɛge a bebiri ho naŋ baare a zannoo biŋ. Yɛlɛ N Naŋ Na E (I) meŋ maŋ wuli boŋ yɛlɛ naŋ seŋ ka ho zanne poɔ. Yɛlɛ Mine Naŋ Lɛ Bebe (K) taa la duoro yaga naŋ bebe, ka hooŋ boɔrɔ, ho na kanneŋ bee a kaa a vidiori naŋ bebe na.
Lɛ ho naŋ na e bɔ a Baabole kannoo ziiri
Sɛgre zaa maŋ be la Baabole gane kaŋa poɔŋ (A), a zu (B), ane a wɛlebo (D). Aŋa bigree poɔŋ, Gyɔɔn 17:3 wuleeŋ ka ho yuo gaa Gyɔɔn gane, o zu 17, o wɛlebo 3.