Maŋ Yele Yɛlɛ Naŋ Seŋ Neŋ

Lɛ Pɔɔl Naŋ Da E

VIDIO: Pɔɔl Moɔlɛɛ A Duorisoŋ Ko Atɛnse Teŋɛ Na Noba

1. Kaa a VIDIO, kyɛbee kanne Toma 17:​22, 23, a kyɛ pãã gyieli a soorebie naŋ tu na yɛlɛ:

1. Saŋa na Pɔɔl naŋ da wa nyɛ a zirii puoruu yɛlɛ na Atɛnse teŋɛ noba naŋ da erɛ na, wala oŋ da teɛre?​—Kanne Toma 17:16.

2. Pɔɔl da ba yeli yelfaare kyaare Atɛnse teŋɛ na noba, kyɛ sobuo oŋ da tu yɛlɛ na baŋ sagedi eŋɛŋ kyɛ moɔle a duorisoŋ ko ba?

Bo Yɛlɛ Teŋ Na Baŋ Zanne Yi Pɔɔl Zie?

2. Ka teneeŋ maŋ kaa iri te yelbie soŋ sɛre kyɛ yele yɛlɛ, a kyɛ maŋ yeli a yɛlɛ wagre naŋ seŋ neŋ poɔŋ, a maŋ vɛmeŋ ka noba boɔrɔ ka ba kyɛlle woŋ te duoro na.

Tɔglɔ Pɔɔl

3. Kaa iri yelbie naŋ soma. Aŋa mannoo poɔŋ, ka ho neŋ neɛ kaŋa naŋ ba e Kristabieŋ wa yele yɛlɛ, ka hooŋ boɔrɔ ka ho yeli a Baabole bee Yezu yɛlɛ, a na somaŋ ka ho tu soyuo kaŋa kyɛ yeli a yɛlɛ.

4. Ka neɛŋ wa yeli yɛlɛ naŋ ba tori, ta maŋ lonno ka ho yelka yɛlɛ na oŋ yeli na ba tori. Ko o soba vuo ka o yeli yɛlɛ naŋ be o sukyiriŋ. Ka o sobaŋ wa yeli yelkaŋa neŋ a Baabole wuluu naŋ ba kyaare taa, kaara soŋ ka ho ne o ta wa piili ŋmeɛrɛ nɔkpeɛne. (Gyi. 1:19) Ka hooŋ mãã ho meŋɛ a kyɛllɛ o yɛlɛ na soŋ, a na soŋ boŋ ka ho baŋ yɛlɛ na oŋ sagedi ane bon nanso oŋ sagaadi.​—Yeng. 20:5.

5. Ka o sobaŋ yeli yelkaŋa naŋ soma, sage o yɛlɛ na a kyɛ puguu meŋ. Noba mine maŋ sagediŋ neŋ ba sukyie zaa ka ba puoruu yɛlɛ na baŋ sagedi na eɛ yelmeŋɛ. Vɛŋ ka ho neŋ o soba daŋ di dama a kyaare yɛlɛ na yɛ zaa naŋ sagedi. A puoreŋ, fẽẽfẽẽ fẽẽfẽẽ, ho na baŋ soŋɛɛ o soba ka o wa sage yɛlɛ na a Baabole naŋ wulo na di.