Wala Teŋ Na E Ka Te Puoruu Pɛlɛ Naaŋmen Poɔ?

Aŋa lɛ te naŋ zanne a zannoo naŋ pare na poɔŋ, puoruu zaa naaneŋ pɛlɛ Naaŋmen poɔ. Kyɛ, te na baŋ tu la sori naŋ seŋ neŋ poɔŋ a de puoruu ko te Maala na ka o poɔ pɛle. “Puoruu” buo soba la pɛlɛ Naaŋmen poɔ? (Gyimisi 1:​27) Vɛŋ ka te nyɛ lɛ a Baabole naŋ wuli.

1. Bo eŋɛŋ aŋ seŋ ka te puoruu na kyaare?

Aseŋ ka te puoruu na kyaare a Baabole. Yezu da yelko la Naaŋmen ka: “A ho yelbiri waa la yelmeŋɛ.” (Gyɔɔn 17:​17) Puoruu mine maŋ zagreŋ ka ba tuuro a yelmenne naŋ be Naaŋmen Yelbiri a Baabole na poɔŋ. Kyɛ ba maŋ de la nensaaleba wuluu ane ba sããkommine yeltuurii leɛre neŋ a Baabole wuluu. Jehoova poɔ ba pɛle neŋ noba naŋ “zagre [o] nɔɛ.” (Kanne Marko 7:9.) Jehoova poɔ maŋ pɛleŋ yaga zaa saŋa na teŋ de te puoruu kyaare a Baabole eŋɛŋ, a kyɛ lɛ moɔ̃ nimiri tuuro a Baabole sowuli na.

2. Sobuo aŋ seŋ ka te tu kyɛ puoro Jehoova?

Jehoova yoŋ aŋ seŋ ka te puoro, bonso ona la te Maala. (Yel-iriwulaa 4:​11) Lɛ wuleeŋ ka aseŋ ka te nɔnoo, a de puoruu korɔ o yoŋ. A ba seŋ ka te tu bonmeɛraa kaŋa eŋɛŋ, bee foto kaŋa eŋɛŋ kyɛ de puoruu a koroo.​—Kanne Aizeeya 42:8.

Aseŋ ka te puoruu na “pɛgiyi, a . . . seŋ neŋ deɛbo” a ko Jehoova. (Urom 12:1) Lɛ wuleeŋ ka aseŋ ka te tuuro bege na oŋ biŋ na. Aŋa mannoo poɔŋ, noba naŋ nɔŋ Jehoova maŋ tuuree bege na oŋ biŋ a kyaare kultaa na. Ba maŋ tagɛɛ ba menne a yi yelzaa naŋ ba soma eŋɛŋ, aŋa sigaari nyuubu, tẽẽfaare ane dããkpeɛne nyu te gaali eŋɛŋ.a

3. Bonso aŋ seŋ ka te neŋ te Kristabitaaba maŋ laŋ de puoruu korɔ Jehoova?

Te daagbuli zaa lammore na maŋ yuo la sori ko te teŋ “pugi Jehoova . . . a lammozieŋ.” (Yieme 111:​1, 2) Sori kaŋa teŋ maŋ tu kyɛ e lɛ la a yiele na teŋ maŋ yiele a pugiro Naaŋmen na. (Kanne Yieme 104:​33.) Jehoova nɔnɔ teŋ yaga, azuŋ oŋ yelka te maŋ laŋna taa, o baŋɛɛŋ ka, ka teneeŋ laŋna taa a na soŋ teŋ ka te taa zeŋ laafeɛ tegitegilɛ. Ka teneeŋ wa gaa te lammozie na, te maŋ eŋɛɛ te taaba faŋa, baŋ meŋ eŋ te faŋa.

ZANNE YƐLƐ YAGA POƆ

4. A ba seŋ ka te maŋ tu fotori bee bonmeɛree eŋɛŋ kyɛ de puoruu korɔ Naaŋmen

VIDIO: Naaŋmen Boɔrɔŋ Ka Te Maŋ Tu Fotori Ane Bonmeɛree Eŋɛŋ Kyɛ De Puoruu Koroo Bee? (3:26)

• Takoreŋ saŋa na, Naaŋmen noba mine naŋ da tu bonmeɛraa kaŋa eŋɛŋ kyɛ de puoruu ko Naaŋmen na, bo yɛlɛŋ da pɔge ba?

Noba mine maŋ tu la fotori ane bonmeɛree eŋɛŋ kyɛ de puoruu korɔ Naaŋmen bonso, ba maŋ teɛreŋ ka lɛ na vɛmeŋ ka ba tage peɛle Naaŋmen yaga. Kyɛ ka neɛŋ erɛ lɛ, lɛ na toɔ̃ vɛmeŋ ka o neŋ Naaŋmen e taa tɔɔre bee? Kanne Yiibu 20:4-6 ane Yieme 106:​35, 36, a kyɛ gyieli a soorebie naŋ tu na yɛlɛ:

• Bo boma bee fotori la hoŋ nyɛ ka noba maŋ de tonɔ neŋ toma ba puoruu poɔŋ?

• Ka nobaŋ tu fotori ane bonmeɛree eŋɛŋ kyɛ de puoruu a korɔ Naaŋmen, wala oŋ maŋ teɛre?

• Wala hoŋ teɛre kyaare lɛ noba naŋ maŋ tu fotori ane bonmeɛree eŋɛŋ kyɛ de puoruu korɔ Naaŋmen na yɛlɛ?

5. Jehoova puoruu yoŋ na baŋ faa te yi zirii wuluu eŋɛŋ

VIDIO: A Yelmeŋɛ La Faa Ma (5:16)

Kanne Yieme 91:14, a kyɛ gyieli a soorebiri naŋ tu na yɛlɛ:

• Ka teneeŋ nɔnɔ Jehoova a puoro ona yoŋ, bo ka Jehoova eŋ noɔre ka o na e ko teŋ?

6. Te maŋ puoree Naaŋmen a lantaapuoruu lammore na zieŋ

Ka teneeŋ wa yiele a kyɛ lɛ ire yɛlɛ nɔɛ a lammore saŋa, te maŋ pugiree Jehoova a kyɛ eŋnɛ taa faŋa meŋ. Kanne Yieme 22:​22, a kyɛ gyieli a soorebie naŋ tu na yɛlɛ:

• Ka hooŋ wa gaa a lammo, ho poɔ maŋ pɛle neŋ la lɛ na te yɔɔmine naŋ maŋ ire yɛlɛ nɔɛ na bee?

• Ho meŋ na boɔrɔŋ ka ho nare ho meŋɛ a te iri soorebiri kaŋa noɔre a lammozieŋ bee?

7. Jehoova poɔ zaaŋ maŋ pɛle saŋa na teŋ manna yɛlɛ na teŋ zanna na korɔ noba

Soe yaga bebeŋ teŋ na baŋ tu a kyɛ manne Baabole poɔ yelmenne na teŋ zanna na korɔ noba. Kanne Yieme 9:1 ane 34:1, a kyɛ gyieli a soorebiri naŋ tu na yɛlɛ:

• Bo yɛlɛ hoŋ zanne yi a Baabole poɔŋ, a na boɔrɔ ka ho manne ko neɛ kaŋa?

A ZANNOO YELNIMIZEERE

Ka teneeŋ puoro te Maala na yoŋ, a de pugibu koroo a lantaapuoruu lammozieŋ, a kyɛ manna yɛlɛ na teŋ zanna na korɔ noba, a maŋ vɛmeŋ ka Jehoova poɔ pɛle yaga zaa.

Bo Hoŋ Zanne

• Wala teŋ na toɔ̃ e baŋ sori naŋ seŋ neŋ ka te tu kyɛ puoro Naaŋmen?

• Bonso aŋ seŋ ka te puoro Jehoova yoŋ?

• Bonso aŋ seŋ ka te neŋ noba naŋ boɔrɔ ka ba pɛlɛ Naaŋmen poɔ maŋ laŋ de puoruu koroo?

YƐLƐ MINE NAŊ LƐ BEBE

Pɔge kaŋa da puoree baga, kanne o zemmo yɛlɛ yelzu naŋ la “N Ba Lɛ E Gbaŋgbaa A Ko Baga” a nyɛ lɛ o naŋ e tage o meŋɛ yi baga puoruu eŋɛŋ.

“A Baabole Soŋ Baŋ Baŋ Leɛre Ba Zemmo Yɛlɛ” (A Watchtower, July 1, 2011)

Zanne nyɛ yɛlɛ naŋ na toɔ̃ soŋ bo ka ho iri yɛlɛ noɔre a lammozieŋ.

“Pugi Jehoova A Lantaapuoruu Poɔŋ” (A Watchtower, January 2019)

Kaa nyɛ lɛ bi-pɔlee kaŋa naŋ nyɛ tɔnɔ yaga zaa yi a lantaapuoruu lammore poɔŋ, aneazaa ka a lammore gaabo da e la kpeɛŋaa ko o.

Jehoova Da Taaɛ N Yɛlɛŋ (3:07)

Noba yaga teɛre ka a dagaraa are ko la a Krista puoruu, kyɛ aseŋ ka te de a dagaraa tonɔ neŋ toma te puoruu poɔŋ bee?

“Bonso Ka Jehoova Sieree Deme Ba Maŋ De A Dagaraa Tonɔ Neŋ Toma Ba Puoruu Poɔŋ?” (Intanɛt zu gane)