ZANNOO 28
Wuli Nimipa A Ko Yɛlɛ Na Jehoova Ane Yezu Naŋ E Ko Bo Na
Ka ho zɔmeŋɛ kaŋaŋ ko bo kyɔɔtaa kaŋa naŋ soma yaga zaa, wala aŋ maŋ erɛ bo? Nɔkpeɛne zaa kyebe ka lɛ na vɛmeŋ ka ho poɔ pɛle yaga zaa. Ho maŋ boɔrɔŋ ka ho e yelkaŋa a wuli ho zɔmeŋɛ na ka o baŋ ka ho nimiri paalɛɛ a kyɔɔtaa. Jehoova neŋ Yezu ko teŋ kyɔɔtaa naŋ soma yaga gaŋ kyɔɔtaa zaa. Bo la a kyɔɔtaa ŋa? Wala teŋ na toɔ̃ e a wuli nimipa a ko a kyɔɔtaa na Jehoova neŋ Yezu naŋ ko te na?
1. Sobuo hoŋ na baŋ tu kyɛ wuli nimipa a ko yɛlɛ na Naaŋmen ane Krista naŋ e ko bo na?
A Baabole yeleeŋ ka “neɛ na zaa naŋ na sage de [Yezu] yɛlɛ” na nyɛ la nyɔvore naŋ ba taa baaraa. (Gyɔɔn 3:16) Ka ba naŋ yelka te sage de Yezu yɛlɛ, wala ka lɛ wuli? Aseŋ ka te taa sagediibu Yezu eŋɛŋ, kyɛ lɛ yoŋ naane, aseŋ ka te de te yel-erre a wuli te sagediibu. Yɛlɛ na teŋ boɔrɔ yaga ane yɛlɛ na teŋ maŋ erɛ te zemmo poɔŋ la maŋ wuli ka te taa la sagediibu Yezu eŋɛŋ. (Gyimisi 2:17) Ka teneeŋ wulo te sagediibu a maŋ yele yɛlɛ naŋ soma, a kyɛ erɛ yɛlɛ meŋ naŋ soma, a na soŋ teŋ ka te neŋ Yezu ane o Saa Jehoova niiloŋ na e kpeɛŋaa.—Kanne Gyɔɔn 14:21.
2. Bo lammo naŋ e o yoŋ la maŋ soŋ te teŋ wuli nimipa a ko yɛlɛ na Jehoova ane Yezu naŋ e ko te na?
Zisoɔree na baŋ nyɔge Yezu a te ko na, Yezu da wulee o potuuribo na sori kaŋa baŋ na toɔ̃ tu kyɛ wuli nimipa a ko o yɔɔdeɛbo sareka na. O da yelko baŋ ka ba maŋ wa lantaa a e lammo kaŋa naŋ e o yoŋ. A lammo ŋa la ka a Baabole boɔlɔ ka “a Daana Zimaanee Bondirii,” a lammo ŋa neŋ o zu la baŋ boɔlɔ Yezu Kũũ Leɛteɛroo lammo na. (1 Korinti 11:20) Yezu da yelko la o bitontonee na ane yelmeŋɛ Kristabiiri zaa naŋ na tu ba puoreŋ ka ba e a yɛlɛ ŋa a leɛteɛre lɛ na oŋ de o nyɔvore iri sareka ko te na. A kyaare a lammo ŋa naŋ e o yoŋ ŋa, Yezu da yelko la o potuuribo na ka: “Yɛ maŋ e a ŋaa a leɛteɛrɛ N yɛlɛ.” (Luka 22:19) Ka hooŋ gaa a Yezu Kũũ Leɛteɛroo lammo na, lɛ wuleeŋ ka ho nimiri paalɛɛ nɔmmo kpoŋ na Jehoova ane Yezu naŋ wuli te na.
ZANNE YƐLƐ YAGA POƆ
Ho na zanne nyɛɛ soe mine hoŋ na baŋ lɛ tu kyɛ wuli ka ho nimiri paalɛɛ nɔmmo kpoŋ na Jehoova ane Yezu naŋ wuli te na. Ho na lɛ zanne nyɛɛ bon naŋso ka Yezu Kũũ Leɛteɛroo lammo na e lammo naŋ e tegroŋ yaga zaa.
3. Wala teŋ na baŋ e a wuli nimipa?
Te de ka ho le la koɔ̃ poɔŋ, ka a koɔ̃ de bo gɛrɛ, kyɛ ka neɛ kaŋa kpɛ a koɔ̃ poɔ a iri bo yi be, ka lɛ vɛŋ hoŋ ba kpi. Ho daŋ na innee yɛlɛ na o soba naŋ e ko bo na bee? Kyɛbee, ho na e la lɛ zaa hoŋ na toɔ̃ a wuli o soba ka ho nimiri paalɛɛ yɛlɛ na o naŋ e ko bo na?
Jehoova la ko te nyɔvore. Kanne 1 Gyɔɔn 4:8-10, a kyɛ gyieli a soorebie naŋ tu na yɛlɛ:
Bonso ka Yezu yɔɔdeɛbo sareka na e kyɔɔtaa naŋ e o yoŋ?
Ka hooŋ leɛteɛre yɛlɛ na Jehoova neŋ Yezu naŋ e ko bo na, wala aŋ maŋ tɔ ho sukyiri seŋ?
Wala hoŋ na baŋ e a wuli nimipa a ko yɛlɛ na Jehoova ane Yezu naŋ e ko bo na? Kanne 2 Korinti 5:15 ane 1 Gyɔɔn 4:11; 5:3. Ka yɛ naŋ wa kanne a sɛgre kaŋa zaa baare, yɛ gyieli a soorebiri ŋa yɛlɛ:
Ka hooŋ kaa a sɛgre ŋa te naŋ kanne ŋa poɔŋ, wala teŋ na baŋ e a wuli nimipa?
4. Tɔglɔ Yezu
Ka hooŋ tɔglɔ Yezu, lɛ wuleeŋ ka ho nimiri paalɛɛ yɛlɛ na Jehoova ane Yezu naŋ e ko bo na. Kanne 1 Piita 2:21, a kyɛ gyieli a soorebiri ŋa yɛlɛ:
Bo yɛlɛ mine la teŋ na baŋ e a wuli ka te tuuree Yezu gbɛbɔgri?
Yezu nɔŋ la Naaŋmen Yelbiri na, o da maŋ moɔlɛɛ a duorisoŋ korɔ noba, a kyɛ sonnɔ noba meŋ
5. Maŋ gaa a Yezu Kũũ Leɛteɛroo lammo na
Kanne Luka 22:14, 19, 20 a nyɛ yɛlɛ naŋ da e a Daana Zimaanee Bondirii dɛndɛŋ soba na. Ka yɛ naŋ wa kanne a zie baare, yɛ gyieli a soorebie naŋ tu na yɛlɛ:
Bo yɛlɛŋ da e a Daana Zimaanee Bondirii saŋa na?
Bo ka a paanuu ane a waiŋ are ko?—Kaa o wɛlbo 19 ane 20 na.
Yezu boɔrɔŋ ka o potuuribo maŋ lantaa a e a Daana Zimaanee Bondirii lammo na dayeni yuoni zaa. O boɔrɔŋ ka te maŋ e a lammo ŋa bebiri na oŋ da kpi na. Azuŋ, yuoni zaa Jehoova Sieree Deme maŋ laŋɛɛ taa a teɛre Yezu kũũ na, aŋa lɛ oŋ ko te noɔre ka te maŋ erɛ na. Ka hooŋ boɔrɔ ka ho zanne yɛlɛ yaga a kyaare a lammo ŋa, ŋmɛ a VIDIO. A kyɛ pãã gyieli a soorebiri naŋ tu na yɛlɛ.
Bo yɛlɛ baŋ maŋ e a Yezu Kũũ Leɛteɛroo lammo na saŋa?
A paanuu neŋ a waiŋ are ko la yɛlɛ mine. A paanuu are ko la Yezu eŋgaŋ forifori na oŋ de iri sareka ko te na. A waiŋ meŋ are ko la o zĩĩ
NOBA MINE MAŊ YELEŊ KA: “Yɛlɛ yoŋ aŋ seŋ ka ho e a nyɛ faabo la ka ho sage Yezu di.”
Sobuo hoŋ na baŋ tu kyɛ de yɛlɛ naŋ be Gyɔɔn 3:16 ane Gyimisi 2:17 wuli o soba ka o baŋ ka aseŋ ka o e yɛlɛ mine poɔ?
A ZANNOO YELNIMIZEERE
Ka teneeŋ wulo sagediibu Yezu eŋɛŋ, a kyɛ maŋ gaa a Yezu Kũũ Leɛteɛroo lammo na, lɛ na wuliŋ ka te taa la nimipa a ko yɛlɛ na Yezu naŋ e ko te na.
Bo Hoŋ Zanne
Ka ba naŋ yelka te wulo sagediibu Yezu eŋɛŋ, wala ka lɛ wuli?
Wala hoŋ boɔrɔ ka ho e a wuli nimipa a ko yɛlɛ na Jehoova ane Yezu naŋ e ko bo na?
Bonso aŋ e nimizeɛ ka te maŋ gaa a Yezu Kũũ Leɛteɛroo lammo na?
YƐLƐ MINE NAŊ LƐ BEBE
Bo yɛlɛ ka Krista kũũ na maŋ eŋ te faŋa teŋ erɛ?
Kanne a yɛlɛ ŋa a zanne yɛlɛ yaga a kyaare sagediibu ane lɛ hoŋ na baŋ e a wulo ho sagediibu.
“Taa Sagediibu Naŋ E Kpeɛŋaa Jehoova Nɔ-Ennee Na Eŋɛŋ” (A Watchtower, October 2016)
Saŋa na pɔge kaŋa naŋ zanne Yezu yɔɔdeɛbo sareka na yɛlɛ, a da somooŋ yaga zaa. Kanne o zemmo yɛlɛ yelzu naŋ la “N E La Forifori, A Taa Tamaa Meŋ” naŋ be a Watchtower ŋa poɔŋ.
“A Baabole Soŋ Baŋ Baŋ Leɛre Ba Zemmo Yɛlɛ” (A Watchtower, August 1, 2011)
Kanne a nyɛ bon naŋso ka noba fẽẽ lɛ maŋ ɔɔ a paanuu kyɛ nyu a waiŋ a Yezu Kũũ Leɛteɛroo lammo na zieŋ.