N Eɛ Siri Bee?
N Eɛ Siri Ka N Moɔlɔ A Duorisoŋ Bee?
Ka hooŋ erɛ a yɛlɛ ama naŋ tutaa na, ho na baŋ wa e la naaŋ moɔlɔ naŋ ba de suobu:
Maŋ zanna a Baabole wagre zaa, a maŋ puoro, a kyɛ gɛrɛ a lantaapuoruu lammore meŋ.
Nɔnɔ yɛlɛ na hoŋ zanna na, a sagaadi, a kyɛ manna korɔ ho taaba meŋ.
Nɔnɔ Jehoova, a kyɛ kaa iri noba naŋ nɔnoo ka ba e ho zɔmenne.
Ka hooŋ iri ho yuori, kyɛbee a tage ho meŋɛ yi a teŋɛzu naaloŋ diibu yɛlɛ, bee zirii puoruu poɔŋ.
De Jehoova bege na tonɔ neŋ toma, a kyɛ de ho yel-erre meŋ wuli ka ho boɔrɔŋ ka ho e Jehoova Sieree Deme kaŋa.
Ka hooŋ boɔrɔ ka ho e naaŋ moɔlɔ naŋ ba de suobu, yelko ho wulwulo na. O na yelko la a lantaapuoruu nembɛrɛ. A lantaapuoruu nembɛrɛ na sɛgrɛɛ bebiri kaŋa biŋ, ka ho ne ba di dama a nyɛ, ka ho seŋ nɛɛŋ ka ho e naaŋ moɔlɔ naŋ ba de suobu bee.
N Eɛ Siri Ka N De Suobu Bee?
Ka hooŋ erɛ a yɛlɛ ama naŋ tutaa na, ho na baŋ de la suobu:
Ka hooŋ e naaŋ moɔlɔ naŋ ba de suobu.
Ka hooŋ moɔ̃ niŋe a moɔlɔ a duorisoŋ lɛ zaa hoŋ na toɔ̃.
Ka hooŋ maŋ sage de a kyɛ tuuro sowuli zaa “a gbaŋgba-bivelaa ane yɛmbaŋna” naŋ korɔ te.—Matio 24:45-47.
Ka hooŋ tu puoro eŋɛŋ kyɛ de ho nyɔvore ko Jehoova, a kyɛ lɛ boɔrɔ ka ho puoro Jehoova a gɛrɛ wagre naŋ ba taa baaraa.
Ka hooŋ boɔrɔ ka ho e naaŋ moɔlɔ naŋ ba de suobu, yelko ho wulwulo na. O na yelko la a lantaapuoruu nembɛrɛ. A lantaapuoruu nembɛrɛ na sɛgrɛɛ bebiri kaŋa biŋ, ka ho ne ba di dama a nyɛ, ka ho seŋ nɛɛŋ ka ho e naaŋ moɔlɔ naŋ ba de suobu bee.