Yezu Da “Zanne La Noɔre Sagoo”

Wagre zaa, Yezu da maŋ sagrɛɛ Jehoova nɔɛ. (Gyn. 8:29) Kyɛ, bonso ka a Baabole yelka: “O da zanne la noɔre sagoo a yi a dɔgɛɛ o naŋ da nyɛ poɔ”?—Hib. 5:8.

Saŋa na Yezu naŋ da be a teŋɛzuŋ na, o da tuoree yɛlɛ oŋ daaŋ ba tuore sazuŋ zaa. Aneazaa ka Yezu dɔgreba da puoree Jehoova, kyɛ ba da eɛ noba naŋ ba pɛgeyi. (Luk. 2:51) A puoruu wedeɛreba ane a gɔmenante nembɛrɛ da erɛɛ Yezu yɛlɛ naŋ ba seŋ neŋ. (Mat. 26:59; Mak. 15:15) Kyɛ “o da sigri la o meŋɛ, a da sagra noɔre a te ta saŋa o naŋ kpi” kũũ naŋ beɛrɛ yaga zaa.—Fil. 2:8.

Saŋa na Yezu naŋ da be sazuŋ na, o da ba maŋ di dɔgɛɛ kyɛ sage Naaŋmen noɔre. Kyɛ, saŋa na oŋ da be a teŋɛzuŋ na, o da di la dɔgɛɛ yaga sɛre kyɛ sage Jehoova noɔre. Pampana ŋa yɛŋ Yezu paalɛŋ a yi yɛlɛ zaa poɔŋ. O na la te Naa ane te Ŋmenpuore Wedeɛrɛ, o na baŋ de la o meŋɛ eŋ te gbɛbɔgriŋ a baŋ lɛ yɛlɛ naŋ waa ko te. (Hib. 4:15; 5:9) Saŋa na Yezu naŋ wa zanne noɔre sagebo a yi dɔgɛɛ na oŋ nyɛ poɔŋ baare na, o da wa eɛ neŋtegroŋ Jehoova naŋ na toɔ̃ de toma yaga eŋ o nuuriŋ. Ka teneeŋ meŋ wa tuoro yelkpeɛne yaga, a kyɛ naŋ dire yelmennoŋ korɔ Jehoova, te na wa eɛ neŋtegrɛ Jehoova naŋ na toɔ̃ de toŋ neŋ toma yaga o puoruu poɔŋ.—Gyi. 1:4.