Pane Tus i Aqane Lapa Itre Joxu

6 Hane hi la itre nekö i Levi: Geresoma, me Kohatha, me Merari. 2 Itre nekö i Kohatha: Amerama, me Izara, me Heberona, me Uziela. 3 Itre nekö i Amerama: Arona, me Mose, me Miriama. Itre nekö i Arona: Nadaba, me Abiu, me Eleazara, me Ithamara. 4 Hnei Eleazara hna hnaho Fineasa, nge hnei Fineasa hna hnaho Abisua, 5 hnei Abisua hna hnaho Buki, nge hnei Buki hna hnaho Uzi, 6 hnei Uzi hna hnaho Zeraia, nge hnei Zeraia hna hnaho Meraioth, 7 nge hnei Meraioth hna hnaho Amaria, nge hnei Amaria hna hnaho Ahituba, 8 nge hnei Ahituba hna hnaho Zadoka, nge hnei Zadoka hna hnaho Ahimaza, 9 nge hnei Ahimaza hna hnaho Azaria, nge hnei Azaria hna hnaho Iohanana, 10 nge hnei Iohanana hna hnaho Azaria, nge hnei nyidrëti hna atre huuj hnine la uma ne hmi, lo hna xup hnei Solomona e Ierusalema.

11 Hnei Azaria hna hnaho Amaria, nge hnei Amaria hna hnaho Ahituba, 12 nge hnei Ahituba hna hnaho Zadoka, nge hnei Zadoka hna hnaho Saluma, 13 nge hnei Saluma hna hnaho Hilekia, nge hnei Hilekia hna hnaho Azaria, 14 nge hnei Azaria hna hnaho Seraia, nge hnei Seraia hna hnaho Iozadaka. 15 Hna xomi Iozadaka kowe la nöje trenyiwa, lo Iehova a jëne Nebukaneza, troa xome la angetre Iudra me Ierusalema kowe la nöje trenyiwa.

16 Itre nekö i Levi: Geresoma,* me Kohatha, me Merari. 17 Nge hane hi la ëjene la lue nekö i Geresoma: Libeni me Simei. 18 Itre nekö i Kohatha: Amerama, me Izara, me Heberona, me Uziela. 19 Lue nekö i Merari: Maheli me Musi.

Hane hi la itre fami i angetre Levi, thenge la itre keme i angatr. 20 Itre nekö* i Geresoma: Libeni nekö i angeic, Iahath nekö i angeic, Zima nekö i angeic, 21 me Ioa nekö i angeic, Ido nekö i angeic, Zera nekö i angeic, Ieaterai nekö i angeic. 22 Itre nekö* i Kohatha: Aminadaba nekö i angeic, Kora nekö i angeic, Asiro nekö i angeic, 23 Elekana nekö i angeic, Ebiasafa nekö i angeic, Asiro nekö i angeic, 24 Tahath nekö i angeic, Uriela nekö i angeic, Uzia nekö i angeic, me Saulo nekö i angeic. 25 Lue nekö i Elekana: Amasai me Ahimoth. 26 Itre neköne la ketre Elekana, Zofai nekö i angeic, me Nakath nekö i angeic, 27 me Eliaba nekö i angeic, Ierohama nekö i angeic, Elekana nekö i angeic. 28 Lue nekö i Samuela: Ioela la ka tru, me Abia la ka co. 29 Itre nekö* i Merari: Maheli, Libeni nekö i angeic, Simei nekö i angeic, Uza nekö i angeic, 30 Simea nekö i angeic, Hagia nekö i angeic, Asaia nekö i angeic.

31 Hane hi la itre atr hnei Dravita hna acil troa xomiujine la nyima hnine la uma mano i Iehova, thupene la kola ase alöne la Pua. 32 Angatre la atrekë hnëqane la nyima hnine la uma maano,* uti hë la Solomona a ase xupe la uma ne hmi Iehova e Ierusalema. Nge hnei angatr hna eatrëne la huliwa i angatr, thenge la hna amekötine koi angatr. 33 Hane hi la itre trahmany ka eatrëne la huliwa cili, me itre nekö i angatr trahmany: Thei angetre Kohatha: Heman atre nyima, nekö i Ioela, nekö i Samuela, 34 nekö i Elekana, nekö i Ierohama, nekö i Eliela, nekö i Toa, 35 nekö i Zuf, nekö i Elekana, nekö i Mahatha, nekö i Amasai, 36 nekö i Elekana, nekö i Ioela, nekö i Azaria, nekö i Zefania, 37 nekö i Tahath, nekö i Asiro, nekö i Abiasafa, nekö i Kora, 38 nekö i Izara, nekö i Kohatha, nekö i Levi, nekö i Isaraela.

39 Nge Asafa a cile ngöne la götrane maca i Heman, trejin me angeic.* Asafa la nekö i Berekia, nekö i Simea, 40 nekö i Mikaela, nekö i Baaseia, nekö i Malekia, 41 nekö i Etheni, nekö i Zera, nekö i Adaia, 42 nekö i Ethana, nekö i Zima, nekö i Simei, 43 nekö i Iahath, nekö i Geresoma, nekö i Levi.

44 Itre matra i Mesari* a cil ngöne la götrane mi i Heman, ene Ethana nekö i Kisi, nekö i Abedi, nekö i Maluka, 45 nekö i Hasabia, nekö i Amazia, nekö i Hilekia, 46 nekö i Amezi, nekö i Bani, nekö i Semeri, 47 nekö i Maheli, nekö i Musi, nekö i Merari, nekö i Levi.

48 Nge hna acile* fe la itre xa angetre Levi,* troa kuca la itre xa huliwa hnine la uma maano, lo uma ne la nyipi Akötresie. 49 Arona me itre nekö i angeic la ka huhajine la itre huuj, hune la ita ne huuj ne la itre huuj ne dreuth asë, me hune la ita ne huujë sinöe ka pui lolo. Angatr la ka kuca la nöjei huliwa ka nyipi hmitrötr, matre apatrene trije la ngazo* i Isaraela, thenge lo hna amekötin hnei Mose, hlue ne la nyipi Akötresie. 50 Hane hi la itre matra i Arona: Eleazara nekö i angeic, Fineasa nekö i angeic, Abisua nekö i angeic, 51 Buki nekö i angeic, Uzi nekö i angeic, Zeraia nekö i angeic, 52 Meraioth nekö i angeic, Amaria nekö i angeic, Ahituba nekö i angeic, 53 Zadoka nekö i angeic, Ahimaza nekö i angeic.

54 Hane hi la itre götran hnei angetre Levi hna acile la itre itate* i angatr, ngöne la itre hnepadro i angatr: Kowe la itre matra i Arona ka xulu qaathene la fami Kohatha, lo itre hna pane uthi trikitrën: 55 Hna hamë Heberona e Iudra me itre hnepadro xötreith, 56 ngo ame la itre hlapa me itre hunahmi ezine la traon, hna hamëne pë hë koi Kaleba nekö i Iefune. 57 Nge ame kowe la itre matra i Arona, hna hamë angatr la itre traon* ne kötre mel: Heberona, me Libena me itre hnepadro xötreith, me Iatira, me Esetemoa me itre hnepadro xötreith, 58 me Holon me itre hnepadro xötreith, me Debira me itre hnepadro xötreith, 59 me Asan me itre hnepadro xötreith, me Bethe-semes me itre hnepadro xötreith. 60 Nge hna hamë angatre fe la itre traon ngöne la zi angetre Beniamina: Geba me itre hnepadro xötreith, me Alemeth me itre hnepadro xötreith, me Anathoth me itre hnepadro xötreith. Traqa koi 13 lao traon hna hamën kowe la fami i angatr.

61 Nge ame koi itre xa nekö i Kohatha, hna hamëne* la 10 lao traon hnene la itre fami ne la itre xa tribu, me hnene la sine la tribu i Manase.

62 Nge ame koi itre nekö i Geresoma me fami angatr, hna hamëne la 13 lao traon qa ngöne la zi ne la tribu i Isakara, me qaathene la tribu i Asera, me tribu i Nafatali, me tribu i Manase ngöne la nöje Basana.

63 Nge ame kowe la angetre Merari, hna uthi trikitrëne la 12 lao traon qaathene la tribu i Reubena, me tribu i Gada, me tribu i Zebulona.

64 Celë hi aqane hamë traon me hnepadro xötreith, hnei angetre Isaraela kowe la angetre Levi. 65 Nge hna hane fe uthi trikitrëne la itre traon hna xom qaathene la tribu i Iudra, me tribu i Simeona, me tribu i Beniamina. Hna hëne kö la itre traon cili hnene la itre ëje i angatr.

66 Hnene la itre xa fami i Kohatha, hna kepe traon qaathene la tribu i Eferaima. 67 Hna hamë angatr la itre traon* ne kötre mel: Sekema me itre hnepadro xötreith ngöne la itre wetr ne Eferaima, me Gezera me itre hnepadro xötreith, 68 me Iokameama me itre hnepadro xötreith, me Bethehorona me itre hnepadro xötreith, 69 me Aialona me itre hnepadro xötreith, me Gatha-rimona me itre hnepadro xötreith. 70 Nge ame kowe la itre xa nekö i Kohatha, hna hamëne la lue traone celë qaathene la sine la tribu i Manase: Anere me itre hnepadro xötreith, me Bileam me itre hnepadro xötreith.

71 Nge ame kowe la itre xa nekö i Geresoma, hna hamë angatr la itre traone celë: Qaathene la sine la tribu i Manase, Golana e Basana me itre hnepadro xötreith, me Aseterotha me itre hnepadro xötreith. 72 Nge qaathene la tribu i Isakara, Kadesi me itre hnepadro xötreith, me Daberath me itre hnepadro xötreith, 73 me Ramotha me itre hnepadro xötreith, me Anem me itre hnepadro xötreith. 74 Nge qaathene la tribu i Asera, Miseal me itre hnepadro xötreith, me Abedon me itre hnepadro xötreith, 75 me Hukok me itre hnepadro xötreith, me Rehoba me itre hnepadro xötreith. 76 Nge qaathene la tribu i Nafatali, Kadesi e Galilaia me itre hnepadro xötreith, me Hamona me itre hnepadro xötreith, me Kiriathaima me itre hnepadro xötreith.

77 Nge ame kowe la itre xa nekö i Merari, hna hamë angatr la itre traone celë: Qaathene la tribu i Zebulona, Rimona me itre hnepadro xötreith, me Tabora me itre hnepadro xötreith. 78 Ngöne la ketre götran la Ioridrano e Ieriko, götrane koië ne la Ioridrano, hna xome qaathene la tribu i Reubena, la itre traon ne Bezeri me itre hnepadro xötreith ngöne la gaa qaqacil, me Iahaza me itre hnepadro xötreith, 79 me Kademotha me itre hnepadro xötreith, me Mefath me itre hnepadro xötreith. 80 Nge qaathene la tribu i Gada, Ramotha e Gileada me itre hnepadro xötreith, me Mahanaima me itre hnepadro xötreith, 81 me Hesebona me itre hnepadro xötreith, me Iazera me itre hnepadro xötreith.