Salamo

24 Ewekë i Iehova la ihnadro me itre alien ej

Ene la fen me itre ka lapan ej.

 2 Ke hnei nyidrëti hna ami trepen ej hune la itre hnagejë

Me acile hutin ej hune la itre hneopegejë.

 3 Drei la ka ijij troa elë kowe la wetre i Iehova?

Nge drei la ka ijij troa cil ngöne la gaa hmitrötre i nyidrë?

 4 Ene la atr ka hetre ime ka pë ethan me hni ka wië,

Nge tha ka sisinyi thoi kö göne la meleng,*

Matre troa iaöne la itre atr.

 5 Tro angeic a kapa la itre manathith qaathei Iehova

Memine la thiina ka meköt qaathei Akötresie atre amele angeic.*

 6 Celë hi la xötre atr ne la itre ka thele nyidrë,

Lo itre ka thele la qëmeke i nyipë, Akötresi Iakobo fe. (Sela)

 7 Itre qëhnelö fe, gala jë la itre he i epun;

Itre qanahag ka hekö, fe* pi epun,

Matre troa lö la Joxu ka hlemu!

Iehova, lo atre ka catr nge ka trene men,

Iehova, lo atre catr ngöne la isi.

 9 Itre qëhnelö fe, gala jë la itre he i epun;

Itre qanahag ka hekö, fe pi epun,

Matre troa lö la Joxu ka hlemu!