Ezekiela

15 Hnei Iehova hmaca hna ithanata koi ni, me hape: 2 “Nekö i atr, ka sisitria kö la sinöe ne la vin hune la itre xaa sinöe? Ka sisitria kö ej hune la itre wapicin ne la itre sinöe ne hnaxulu? 3 Hapeu, ijije kö troa kuci aletr memine la ivin maine huliwane pena? Ijije kö troa kuci usis memine la sinöe cili nyine athipi ewekë? 4 Dreng! Ame la sinöe cili, ke nyine troa athi eë, matre tro hi a mel la lue pun memine la ngön e kuhu nyipin. Ngo e thupen, ijije pala kö troa huliwan ej? 5 Ke ame lo lolo pala kö la sinöe, ke pëkö eloin ej, ngo the qaja pala ha e ase hë manithe me dreuth!”

6 “Matre hane hi la hna qaja hnei Iehova Joxu Ka Sisitria: ‘Tune la ivin hna xom qa ngöne la hnaxulu, nge hnenge hna kuiën kowe la eë, tro fe ni a hane kuca tun kowe la itre ka lapa e Ierusalema. 7 Tro hë ni a lepi angatr. Hnei angatr hna neëne la eë, ngo tro kö la eë a dreuthetriji angatr. Matre e ase hë ni lepi angatr, tro hë epuni lai a atre laka, Iehova ni.’”

8 “‘Eje hi, tro ni a apë atrene la nöj, pine angatre tha mele nyipici,’ öni Iehova Joxu Ka Sisitria.”