Pane Tus i Aqane Lapa Itre Joxu

3 Hane hi la itre nekö i Dravita hna hnahon e Heberona: Aminona la ka tru, nekö i Ahinoam föe ne Iezerela, me Daniela la hnaaluen, nekö i Abigaila föe ne Karemela, 2 me Abasaloma la hnaakönin, nekö i Maaka lo nekö i Talemai joxu ne Gesuri, me Adonia la hna 4, nekö i Hagitha, 3 me Sefatia la hna 5, nekö i Abitala, me Itherama la hna 6, nekö i Egela ketre föi Dravita. 4 Hna hnahone la 6 lao nekö i nyidrë trahmany e Heberona. Nge hnei Dravita hna musi e cili koi 7 lao macatre, me 6 lao treu. Hnei nyidrëti hna mus koi 33 lao macatre e Ierusalema.

5 Hane hi la itre nekö i Dravita ka mala e Ierusalema: Simea, me Sobab, me Nathana, me Solomona. Batheseba la thinene la 4 lao nekö trahmany, nge eahlo la nekö i Amiela. 6 Nge ala 9 hmaca kö lao nekö i eahlo trahmany: Ibara, me Elisama, me Elifelet, 7 me Noga, me Nefega, me Iafia, 8 me Elisama, me Eliada, me Elifelet. 9 Itre nekö Dravita asë hi angatr. Nge hnei Dravita fe hna hnahone la itre nekö trahmany, memine la itre xa föi nyidrë. Nge hetre xa i angatr, Tamara la ëjen.

10 Itre nekö i Solomona: Reoboama ka hnaho Abia, ka hnaho Asa, ka hnaho Iehosafata, 11 ka hnaho Iorama, ka hnaho Ahazia, ka hnaho Ioasa, 12 ka hnaho Amazia, ka hnaho Azaria, ka hnaho Iotham, 13 ka hnaho Ahaza, ka hnaho Hezekia, ka hnaho Manase, 14 ka hnaho Amona, ka hnaho Iosea. 15 Itre nekö i Iosea: Iohanana la ka tru, nge Iehoiakima la hnaaluen, Zedekia la hnaakönin, nge Saluma la hna 4. 16 Lue nekö* i Iehoiakima: Iekonia, me Zedekia. 17 Itre nekö i Iekonia lo hna akalabusin: Sealetiela, 18 me Malekiram, me Pedaia, me Senazara, me Iekamia, me Hosama, me Nedabia. 19 Lue nekö i Pedaia: Zerubabela me Simei. Itre nekö i Zerubabela: Mesulama, me Hanania, (Selomith la xa i nyidro). 20 Nge hetrenyi pala kö la 5 lao nekö i angeic trahmany: Hasuba, me Ohel, me Berekia, me Hasadia, me Iusabehesed. 21 Lue nekö i Hanania: Pelatia me Iesaia. Nekö i Iesaia: Refaia; nekö i Refaia: Arenan; nekö i Arenan: Obadia; nekö i Obadia: Sekania; 22 Itre matra* i Sekania: Semaia me itre nekö i Semaia: Hatusa, me Igala, me Baria, me Nearia, me Safata, ala 6 angatr. 23 Itre nekö i Nearia: Elioenai, me Hezekia, me Azerikam. Ala köni angatr. 24 Itre nekö i Elioenai: Hodaia, me Eliasiba, me Pelaia, me Akub, me Iohanana, me Delaia, me Anani, ala 7 angatr.