Salamo
Thatraqane la atre jumi traem; nyine nyima göne Gitith.* Qaathei Asafa.
81 Sue madrine jë koi Akötresie la trengecatre së.
Sue madrine jë la hna hun kowe la Akötresi Iakobo.
2 Elo miuzike jë, nge xome jë la itrapë,
Memine la arp ka lolo me itre nyine elo miuzik ka hetre filen.
3 Ufi trutru jë ngöne la treu ka hnyipixe,
Me dreumatreu, ngöne la drai ne feete së.
4 Ke celë hi la hna amekötine koi Isaraela,
Me hna axeciën hnene la Akötresi Iakobo.
5 Hnei nyidrëti hna acil ej nyine amekunë Iosefa
Ngöne la nyidrëti* a lepi Aigupito.
Hnenge hna dreng la ketre nin hnenge tha wangatrehmekun, kola hape:
6 “Hnenge hna unatrije la ehnef qa ngöne la hnaiape i angeic;
Hna hule la lue ime i angeic qa ngöne la trengen.
7 Ngöne la akötr, hnei ö hna hë ni, nge hnenge hna amele eö;
Hnenge hna sa koi ö qa ngöne la iaw* ka mit.
Hnenge hna tupathi ö ngöne la itre tim e Meriba.* (Sela)
8 Nöjenge fe, drenge ju, nge tro ni a upezö eö.
Ekölöhini Isaraela fe, maine drei ni ju hnei ö.
9 Tha tro kö a hetrenyi thei ö la haze trenyiwa,
Nge tha tro kö eö a thili kowe la haze trenyiwa.
10 Eni hi Iehova, Akötresi ö,
Lo atre thepe ö qa Aigupito.
Fe angangane pi la që i ö, nge tro ni a atiqan ej.
11 Ngo tha hnene kö la nöjeng hna dreng la aqane ewekëng;
Xele kö Isaraela ma idrengethenge.
12 Ame hnenge hna nue angatr troa kei thenge la hni i angatr ka pi tru;
Hnei angatr hna isa kuci mekun.*
13 Ekölöhini maine drei ni ju hnene la nöjeng,
Nge maine trongëne ju Isaraela la itre jëng!
14 Tro hë ni a canga thaipiëne la itre ithupëjia me angatr;
Tro hë ni a xejë la imeng kowe la itre ka icilekeu me angatr.
15 Tro la itre ka methinë Iehova a hmengöhmengön qëmekei nyidrë,
Nge tro ha epine palua la hnëjine* koi angatr.