Salamo

Hna heetrë nyidrë hnene la lolo;

Hna heetrë Iehova hnene la catr;

Nyidrëti a hnöth ej kösë ibeletr.

Hna acile hutine la ihnadro;

Thatreine kö troa enijën.*

 2 Ka cile huti la therone i nyipë qaan ekö;

Ka ekö palua me epine palua nyipë.

 3 Iehova fe, kola kaca la itre hneopegejë,

Kola kaca me ulil la itre hneopegejë;

Kolo pala hi a kaca me elë draië la itre hneopegejë.

 4 Hune la mejene la itre tim ka nyimutre,

Memine la ecatrene la itre hoke ne gejë,

Sisitria catre kö Iehova ngöne la itre gaa draië.